رسالة بين كاتبها وقاريها

[عبدالله المشعلي]

" من الإرشيف "

من يعطي الراي للي ما طلب رايه=مثل اللي يعارض القوم ويباريها
وانا سريت ونجوم الليل سرايه=بيض النوايا تسريني واسريها
رجلي تدل الطريق وعيني مرايه=واشوف الأثار باقية مواريها
اللي عليها ذواري الوقت ذرايه=واخاف الأيام تطمسها ذواريها
عندي قناعه وعندي علم وإداريه=غير اكثر الناس عني ويش يدريها
الناس في سوق بياعه وشرايه=وين انت يا بايع الدنيا وشاريها
يطري علي طاري ما لي بطرايه=لو كان نفسي كثيرات طواريها
لا شك انا بكتب وكل له قرايه=رسالة بين كاتبها وقاريها
واللي تكبّر على البيدا تكبرايه=يدخل مع انفاقها ويطلع كباريها
اسهل على من شراب الما تخطرايه=ولا يهين العفون الا تخطريها
وان عوّدت لأتهام الذات وإبرايه=سجّيت الأقدام في واسع براريها
ما عاد لي عذر لو يجري لي جرايه=حتى تعود المياه إلى مجاريها
اما على أثار الأطلال ارفع الرايه=والا .. ( أم سالم ) علي تنثر عباريها
عبدالله المشعلي

[سفر بن مبارك]

أحسنت أخوي عبدالله صح الله لسانك وطاب شأنك شاعرنا المبدع

لاعدمنا حضورك الجزل والفريد سلمت

[السارق المزاح]

صح لسانك
والله يقوم حظ مجالس قحطان