المساعد الشخصي الرقمي

مشاهدة النسخة كاملة : طااااااروق هل من متواجد الان


"سالم العجمي"
15-12-2005, 12:23 PM
سلام ياهل المقام الى رفيع=والله يعز العرب فوطانها
السوق يحتاج من يشرى يبيع=والطيبه تنشرى بثمانها

خولان بن عامر
15-12-2005, 01:06 PM
اررررررررررحب ياشايب



يامرحبا عد همال الربيع=ترحيبةٍ والوفاء عنوانها
الشايب اللي رقى في كل ريع=جزل المعاني يجيب سمانها
0
0
0
0
0

"سالم العجمي"
15-12-2005, 01:07 PM
هلالالالالالالالالالا يالله حييييه

خولان بن عامر

وش ذا الحظ الطيب الى جابك

خولان بن عامر
15-12-2005, 01:14 PM
الله يبقيك ياشايبنا الشاب




الله يكفينا شرك



والله اني طالع في شغل مهم بس عاد يوم شفت البيت وشفت انه جاي

من شايب قلت مالي مراح لين ادردش معه ساعه واخذعلومه واعطيه علومي

"سالم العجمي"
15-12-2005, 01:15 PM
دام البقا يارعا البدع البديع=والملعبه عاسفن قيفانها
يامير عندك تجمعنا جميع=والسلطنه فى حكم سلطانها

خولان بن عامر
15-12-2005, 01:25 PM
انا ادري انك مثل سيفٍ بريع=لكن عان الطويله عانها
اهم شي انك معنا ماتضيع= ترى السفينه على ربانها

"سالم العجمي"
15-12-2005, 01:38 PM
انا على الطيبه نشمى وطيع=والثانيه تنسحب بذانها
دام الجدى فالسما يلمع لميع=ماضاعت البدو والله عانها

خولان بن عامر
15-12-2005, 01:44 PM
احبها حب شالح للفديع= والثانيه هانت اللي هانها
اضحك وسولف يابو صدرٍ وسيع=يازينها لاسلت شيبانها

فارس قحطان
15-12-2005, 01:46 PM
السلام عليكم ورحمة الله وبركاته

ارحبوووو ثم ارحبووووو


وصحة السنتكم وابدانكم

على هذا اللعب

واصلوو وانا متابع لكم

خولان بن عامر
15-12-2005, 01:53 PM
البقااااااااااا ياقارس قحطان



هلا وغلا ملاييييييييييين مرورك هو الاجمل



تقبل خالص تحيتي

"سالم العجمي"
15-12-2005, 01:57 PM
لا صار مقرود والاخر صديع=ام الكباير رقص شيطانها
اهل المعرفه عوارف ماتضيع=الا ليا بلشت ابخبلانها

"سالم العجمي"
15-12-2005, 02:02 PM
اررررررررحب يافااااااااااااارس قحطان مرحبابك


وخولان شكله بيقول شوف انجوم القايله:D

فارس قحطان
15-12-2005, 02:11 PM
السلام عليكم ورحمة الله وبركاته

شايب الظاهر اني عدلت كلمة مرورك بالخطأ :(

جرب تسوي تسجيل خروج وسجل دخول من جديد
اذا نفع فتمام التمام

واذا طاعت كلمة المرور خطأ
استخدم هذا الرابط
http://www.qahtaan.com/vb/login.php?do=lostpw
وتصلك كلمة المرور على بريدك

خولان بن عامر
15-12-2005, 02:12 PM
خلها يفحط على الخط السريع=ماضاقت الارض من سكانها
في السوق تلقى التجاري والرجبع=الا الوكاله مع رعيانها

"سالم العجمي"
15-12-2005, 02:16 PM
هههههههههههه فارس والله لو تشطبنى كلى لعيووونك طال عمرك بس خاااف يقول خولان الشايب انحاااش

فارس قحطان
15-12-2005, 02:20 PM
السلام عليكم ورحمة الله وبركاته

هههه لا والله ياشايبنا بس كنت اعدل خاصيه في ملفك الشخصي
وبدل ماعدل في خانه معينه عدلت على خانة كلمة المرور جرب الحين ورد لي خبر
وانا انتظرك :)

"سالم العجمي"
15-12-2005, 02:27 PM
عدنا والعود احمدو

خولان بن عامر
15-12-2005, 02:28 PM
يامابي على انك تنحاش لكن اظن ما منك فكه:)

"سالم العجمي"
15-12-2005, 02:28 PM
الله لا يهينك يافارس انت عدلت سويتنى شاعر مشكور طال عمرك عسانى عند ظنك وظن غالينا خولان


الله يعينا على خولان ماينقدر

خولان بن عامر
15-12-2005, 02:32 PM
لو مانت بشاعر ومن الشعار المحسوبين ماكن احد عدل العضوية

لكن اثباتك على وجودك هنا كاشاعر وشاعريتك هي اللي عدلت عضويتك

"سالم العجمي"
15-12-2005, 02:33 PM
يالله انا طالبك وانت السميع=اتعز عجمانها وقحطانها
هذا الكلام الصحيح الى سنيع=ياطيب ربعى وصح اللسانها


اسمح لى على التاخير ياخولان الخارج عن الاراده وردى عالسريع ترا

فارس قحطان
15-12-2005, 02:49 PM
السلام عليكم ورحمة الله وبركاته

لازلت متابع لكم واصلووووا

والظاهر اني خربت عليكم :)

"سالم العجمي"
15-12-2005, 02:56 PM
فارس انت الخير والبركه اشوى انك هديت وشوى من حماسة خولان ذالحين بطرحه:)


مشكور على التعديل ومنحنا الوسام

"سالم العجمي"
15-12-2005, 03:42 PM
خولان وين رحت ترا انا طال انتظارى

خولان بن عامر
15-12-2005, 03:57 PM
والله اني فرحت احسب انك انحشت رحت وصليت وسكرت جهازي يوم اجي الا وانت مترّبع على المركى اثر مامنك فكه

لكن لنا لقا في طاروق اخر ان شاءالله مباشر وبشر ط لليلا




والنعم بسلالة الشيخ الشجيع=اللي خذا المجد في ميدانها
يوم الليالي لها جورٍ شنيع =والقوم معروفةٍ فرسانها

محمد القويفل
15-12-2005, 04:44 PM
ارررررررررررررحبو


شايب صح السانك




خولان صح الساااانك



واصلو واصلو متابعكم



واعذورني على التاخير

خولان بن عامر
15-12-2005, 09:11 PM
البقاااااااااء


يالقويفل



عساك سالم وغانم

"سالم العجمي"
15-12-2005, 09:17 PM
لاهنت يالقويفل لا هنت ياخولان

انا طلعت من بعد صلاة العصر وتونى راد ذالحين والاسم نسيت اسوى له خروج

خولان بن عامر
15-12-2005, 09:21 PM
لاهنت ياشايبنا كلنا تونا جاين هالحين


ومثل ماقلت لك لنا لقاء ان شاءالله في طاروق اخر اما هذا انتهى بيض الله وجهك

"سالم العجمي"
15-12-2005, 09:26 PM
اهم شي انك معنا ماتضيع= ترى السفينه على ربانها


الجايات اكثر ولا هنت يا الاستاذ

بس بس عاد السفينه وربانها وشعلومهم قدا ولا بدا

خولان بن عامر
15-12-2005, 09:34 PM
الله يطول عمرك يا الداهيه

يازين اللي يعرف العلوم سواى انها قدا ولا000000000

معيض بن دشن
15-12-2005, 10:07 PM
سرا سرا لاكن كيف شايب وشباب توه صح لسان الجميع والله الله يالشائب ورني في الشباب تكفى مالها إلا شيبانها الليل الليل ,,,,,

مهدي
17-12-2005, 01:52 PM
بيض الله وجهك يا خولان وصح لسانك يا شايبنا