مانع الملاطي
14-12-2005, 11:30 PM
كل شي ينتهي يا صاحبي في حده=ياصل نهاية طريقه والدروب انواعي
ما تشوفين الشجر لامن حدته الشده=يبست غصونه وجاه اللي لها قطاعي
ما تشوفين الاوادم لو تطول المده=عقب ريعان الشباب يجيهم النزاعي
وما تشوفين الليالي ماهي بممتده=عشر ساعات ويروّح نجمها اللماعي
وما تشوفين البحر له جزره وله مده=ينتهي به حده اليا لامسته القاعي
الليالي علمتني والوكاد اعده=ان فرصة عمرنا اقصر من نهار الراعي
اغنميها دامها فرصه ولابه رده=اروي الغصن الرطيب بنسمه وذعذاعي
واخذي من العمر نقش فالزمان نعده=لو تأجل قلتي ان عمري عليه ضاعي
يا ملاك يملك الهايم بغالي وده=جامعٍ للحسن والا الحسن به جماعي
ذاب بستان الورود اليانعه في خده=او يذاب الورد في خده بدون ايناعي
جادل زينه جمع من كل ضد وضده=من سواد ومن بياض بمترف الاطباعي
اه منه لاحكا لي صاحبي من قده=همت في بحر الخيال ومانويت ارجاعي
ايتكلم وأتامل في العيون ويده=نظرتي له زودت في خافقي الاوجاعي
همت به واطربت عيني من دفاه وبرده=من دفاه اوميت بيدي لين طق اصباعي
ما رحمني كل ما افتح باب عنده سده=واقنعه لكن ما ينفع معه الاقناعي
اذكر اني بالقلم كتبت فالمسوده=اني ابا انسى غرامه داخل الاضلاعي
كيف تنسى صاحب ما لك عنه من صده=كيف تنسى كحل عين ذايبه ووساعي
لا تضيع ما بنيت وكل شي اتهده=وانت مغرم به وقلبك للهوى مطواعي
بعد التحيه والتقديررر لجميع الزملاء هذه المشاركه مصافحه اولى ارجوان تنال على اعجابكم وتقبلو تحياتي
اخوكم مانع الملاطي
ما تشوفين الشجر لامن حدته الشده=يبست غصونه وجاه اللي لها قطاعي
ما تشوفين الاوادم لو تطول المده=عقب ريعان الشباب يجيهم النزاعي
وما تشوفين الليالي ماهي بممتده=عشر ساعات ويروّح نجمها اللماعي
وما تشوفين البحر له جزره وله مده=ينتهي به حده اليا لامسته القاعي
الليالي علمتني والوكاد اعده=ان فرصة عمرنا اقصر من نهار الراعي
اغنميها دامها فرصه ولابه رده=اروي الغصن الرطيب بنسمه وذعذاعي
واخذي من العمر نقش فالزمان نعده=لو تأجل قلتي ان عمري عليه ضاعي
يا ملاك يملك الهايم بغالي وده=جامعٍ للحسن والا الحسن به جماعي
ذاب بستان الورود اليانعه في خده=او يذاب الورد في خده بدون ايناعي
جادل زينه جمع من كل ضد وضده=من سواد ومن بياض بمترف الاطباعي
اه منه لاحكا لي صاحبي من قده=همت في بحر الخيال ومانويت ارجاعي
ايتكلم وأتامل في العيون ويده=نظرتي له زودت في خافقي الاوجاعي
همت به واطربت عيني من دفاه وبرده=من دفاه اوميت بيدي لين طق اصباعي
ما رحمني كل ما افتح باب عنده سده=واقنعه لكن ما ينفع معه الاقناعي
اذكر اني بالقلم كتبت فالمسوده=اني ابا انسى غرامه داخل الاضلاعي
كيف تنسى صاحب ما لك عنه من صده=كيف تنسى كحل عين ذايبه ووساعي
لا تضيع ما بنيت وكل شي اتهده=وانت مغرم به وقلبك للهوى مطواعي
بعد التحيه والتقديررر لجميع الزملاء هذه المشاركه مصافحه اولى ارجوان تنال على اعجابكم وتقبلو تحياتي
اخوكم مانع الملاطي