وافلست من خوة رفيق ٍ سنافي (رائعه لابوعبيد )

[خالد آل مطرف العاطفي]

بسم الله الرحمن الرحيم
وهذه احدى روائع ابو عبيد كما وعدتكم وهي تعبر عن مضمونها ...
القصيدة :
ياعبيد انا جربت واخطيت واقديت = ومشيت فوق الشوك باالرجل حافي
وكم ليلة ضيعت والصبح دليت = ايام كان النور بالدرب طــافي
وكم ليلة ٍ في حفرة الموت طبيت = وحمدت ربي ويوم صارت عوافي
وكم مرة ٍ فيها على الطيب اخطيت = وافلست من خوة رفيقٍ سنافي
وسافرت لديار ٍ بعيده ورديت = وعجزت لا حدد نهاية مطافي
وكم ليلة ٍ مع هايف القد سجيت = ابو جديل ٍ فوق الامتان ضافي
وسامرت عشاق الغرام وتهنيت =ومازلت لعهود المحبين وافي
ولاشفت منهو مقفي ٍ عنه قفيت = اقفي عن المقفي ولاني بهافي
ولاصد عني واحد ٍ عنه صديت = وراع الجفا مني جزاه التجافي
ويابوك انا جربت واقديت واخطيت= ومشيت فوق الشوك بالرجل حافي

صح لسان الشاعر / سعد بن محمد العبيدي ( ابوعبيد )

[السيف النادر]

صح لسانك يابو عبيد ، فعلا انت ياخالد كل يوم تجيب جوهرة من جوواهر ابو عبيد اغلا من اللي قبلها


قصيدة رائعة

واشكرك ياخالد


ا

[علي بن حمري]

لبا كبدك يابو عبيد وكبد خالد

[محمد بن شديد]

ابو مبارك صح الله لسان قايلها

وسلمت يدا ناقلها تقبل التحيه

اخوك محمد

[الفهري]

يالله هذي قصيده لأبو عبيد
هذا سعد بن محمد بن جليد من جماعتي

أشهد بالله أنه شاعر
لاكن أبي أعرف من فين جبت ياخالد قصايده هل فيه موقع تنشر قصايده

[ابن عاصم]

صح لسان ابوووعبيد ولبا قلب ناقلها

اخوووووووووووووووووووووووووووووووووك ابن عااااصم

[راعي البل القديم]

صح لسانالشاعر

[عوض بن شفلوت المناديه]

لاهنت يا خالد



بيض الله وجهك


الاكيد ان لديك احساس مرهف في انتقاء القصايد المشاركه



وصح الله لسان ابو عبيد



والله يزيده من فضله



تحياتي

[الحب الدائم]

ابن جليد شاعر متمكن ومعروف


ولكن كنا تمنى احصاء قصايده وانزالها على النت

فهي كلها جميله وجيده

وقد انزل مجلد بجميع قصايده في بعض المكتبات

[عمر السخني]

صح لسااااان.......قايلها
~~~
~~~
وتسلم يمين....... ناقلها
~~~
~~~
اخوي خالد الله يعطيك العافيه ولا هنت يا الذيب
اخووووووك

(( عمر السخني ))

[حسين آل حمدان الفهري]

اخي خالد
السلام عليكم

واحده من اجود قصائد سعد بن جليد

هذا الشاعر المتمكن لفضاً ومعناً ووصفاً

هذا الشاعر الذي خانه حظه العاثر في الحياه

جاب الارض عرضاً وطولاً ولم يبلغ مراده

فكانت قصائده بمثابة المتنفس له

اكتوى بالكثير من الاشياء حوله

فكانت قصائده تسجيلاً لما حدث ويحدث له.

ابو عبيد
بحاجه لمن يدون سيرته كامله
وان حصل ذلك فسوف تكون من اشهر الروايات على الاطلاق