ورطة في امريكا ...

[ماجد الخليفي]

السلام عليكم

خلال رحلتي الاخيرة مع الاهل الى امريكا الجنوبية عن طريق لوس انجلوس حصلت لي مشكلة مع الجوازات غير متوقعة ....

(( تابع التواريخ لتتضح الصورة ))

في منتصف شهر 7 افرنجي قدمت طلب تأشيرة لدولة البيرو فصدرت بتاريخ 30 شهر 7 وكان حجزي ان اصل البيرو عن طريق امريكا يوم 29 شهر 8

لذلك سافرت من اليابان الى لوس انجيلوس يوم 27 شهر 8 ومنها الى البيرو يوم 29 شهر 8

يوم رحت مطار لوس انجيلوس يوم 29 - 8 للمغادرة شيكو الجواز للتأكد من حصولي على تأشيرة البيرو طبعا كانت موجودة ولكن اكتشفوا ان تاريخ صدور التأشيرة هو يوم 30 - 8 يعني صادرة ثاني يوم بعد السفر

الموظفة انصدمت كيف التاشيرة صادرة بكرة في طوكيو وانا في امريكا فرفضت اركابي ...
وقالت لو ركبتك راح يرجعونك من هناك لان تأشيرتك صادرة بكره وبدأت اتصالات تستفسر

وصل عدد من افراد دائرة الجوازات الامريكية ومعاهم كلبشات ... قلت لا حول تورطنا

تحت الاشعة الجواز والتأشيرة تظهر لهم انهم صحيحين وغير مزورات ...

بعد اخذ ورد جائت رئيستهم مدججة بالسلاح

قلت لها انا رجال صايم ومصلي ولا عندي سواليف تزوير وهذا خطأ سفارة البيرو بدل ما يحطون شهر 7 حطوا شهر 8 ..

والله العجيّز اقتنعت وقالت لهم ما عليه خلوه يسافر وان شاء الله ما فيه مشكلة ..
طلعت العجيّز رئيسة الشرطة ايرانية مسلمة الله يجزاها خير تفهمت

المهم طرت من الفرحة يوم انقلعوا اصحاب الكلبشات واركض للطيارة باقي عليها عشر دقايق ...

بعد رحلة 8 ساعات من لوس انجيلوس الى ليما وصلنا والحمد لله الجماعة هنا ما دققوا واجد ومشت الامور على خير

http://www.qahtaan.com/works/up/get.php?hash=239abcfhox1380545091 (http://www.qahtaan.com/works/up)

http://www.qahtaan.com/works/up/get.php?hash=289fhntwxz1380545092 (http://www.qahtaan.com/works/up)

http://www.qahtaan.com/works/up/get.php?hash=5789eknprw1380545092 (http://www.qahtaan.com/works/up)


على كل حال نصيحة لكل من يحصل على تأشيرة تأكدوا من التواريخ وصحة الاسم حتى لا تتورطوا وسلامتكم

[حسين آل حمدان الفهري]

الحمدلله على السلامة
اهم شي انك طلعت بسلام

ونصيحة في محلها

[فارس قحطان]

الحمدلله على السلامه يابوعصام


زين ماودوك غوانتنامو :(

[ابن دغيّم]

كان عندك الحين تهمة ارهابي وانك احد السبعه اللي فجروا ابراج التجارة العالميه وانك انت اللي فجر السفارة في نايروبي وانك انت اللي فجر في الخبر وانك انت اللي فجر موكب رفيق الحريري وانك انت اللي قتل ابو مصعب الزرقاوي وانك انت .......... الخ

[ماجد الخليفي]

كان عندك الحين تهمة ارهابي وانك احد السبعه اللي فجروا ابراج التجارة العالميه وانك انت اللي فجر السفارة في نايروبي وانك انت اللي فجر في الخبر وانك انت اللي فجر موكب رفيق الحريري وانك انت اللي قتل ابو مصعب الزرقاوي وانك انت .......... الخ


ربنا ستر والا كان الحين سلط ملط في السجن

[آل معمر]

لا تخاف يا ابو عصام

هم يشوفونك كبير بالسن و ما حولك شبهة

المهم عطنا علومك عن رحلة البيرو

[ماجد الخليفي]

لا تخاف يا ابو عصام

هم يشوفونك كبير بالسن و ما حولك شبهة

المهم عطنا علومك عن رحلة البيرو


اللي يقهر يا بو عبد الله ان اللي يختم الجوازات كوري والا فلبيني ويتفلسف عليك

و حقين الجمارك ايراني او هندي , واللي يدقق نموذج الجمارك وانت طالع صيني

واذا طلعت برا تلقى راعي التكسي صومالي او اثيوبي وبالفندق تلقى عربان

ديرة حواق ...

بخصوص البيرو ابشر ان شاء الله