الليل الليل

[مسري الشعار]

الاوله مني سلام عد ذعذاع الهبوب=والثانيه نبغى العلوم الي رفيعنًً شانها

والثالثه لايقدم الا من فطينين القلوب=من شان نعطيه الرساله ويعرف عنواها

[علي البورعي]

الرابعة يامرحبا ترحيب صافين القلوب=والخامسه مايطرد الدينه سواء ديانها
والسادسه عجل ترانا ماتضيق أبنا الدروب=والسابعه يامسري الشعار جاء بركانها

[علي بن مسفرالحبابي]

مساء الخير

منورين الشاشه

ارحب يالبورعي انا في صفك

بدون قصور في مسري الشعار

[مسري الشعار]

والثامنه مبروك وانته فرد من ضمن الشعوب= في الحاجه الي بينت لك راجحً ميزانها

يالبورعي سر السوالف لشمال وللجنوب=وسوق المطيه في الطريق ولاتفك اعنانها

[السيف النادر]

لا هنتوا لا هنتوا

صحت السنتكم

حركوا الموقع شوي

وانا في صف ابو فيصـــل من غير قصور في مسري الشعار

[مسري الشعار]

الاخ على لاهنت وانا والبورعي سوا في الصف

السيف النادر نورت الموقع طال عمرك

[علي البورعي]

الله يبارك فيك لو أنك على الدرب مغصوب=والمعرف خزنه ولاكن من فتح بيبانها
ماني بصاحبها وهي لاهي حلوب ولاجلوب=عضت صفاء من وجدها وتكسرت نيبانها

[فارس قحطان]

السلام عليكم ورحمة الله وبركاته


ارحبوو ثم ارحببوووو

الليل الليل

ياشعار

والصفوف يالربع

.

[علي البورعي]

ارررررررررررحب

ياأبو مسفر

شرفتني بتواجدك

وجودك في صفي كن في صفي ميـــ100ـــه

الله لايهينك

وعلى راسي

.
.
.
أررررررررررررحب

ياااااااااااااااااااااعم

والله أنك سيف نادر في هاالزمن

والشاشه منوره بوجودك

على راسي

.
.
.
أرررررررررررررررررحب

أنت

يافاااارس

شرفنا بتواجدك وحضورك

على راسي

[مسري الشعار]

من كلمتك من كلمتك منتب صري من الذنوب===وكان ودك بالسلامه عانها ثم عنها

ياراعي الذنب الكبير ان طعتنى هون وتوب==واهل الحساني يااجودي لاتجحدون احسانها

[مسري الشعار]

تسلم يافارس قحطان وبيض وجهك مليون وخلك في صفي ترا الربع راحوفي صف البورعي

[محمد القويفل]

ارحوووووووووو


صح السانك يا مسري الشعار

وصح السانك يا علي البورعي


واصلو واصلو




الليل .... الليل ..... الليل


الليل .... الليل


الليل

.

[خالد آل مطرف العاطفي]

ارحبو ..... ارحبو ...
يعيشون ... والله يعيشون ..
لاهنتو ..لاهنتو على كل حال ..
مسري الشعار ... شد حيلك ..خصمك عنيد ..وله شعبيه جارفه في الموقع وخارج الموقع
البورعي ..شد حيلك ..مسري الشعار ..ماهوب سهل ..ويحسب له الف حساب ..
اما الصف اللي بمسكه ..والله ودي امسك الصفين بس النظام مايسمح ..لذلك انا من اللي يجلسون بين الشعار
قدام الكاميرا

واصلوا .......... وصلوا
اخوكم
ابومبارك

[علي البورعي]

يامكبر أسمك وأنته أكبر كنك صياف الحروب=لو تدخل القلطه على العتبان شلت أرهانها
ماني بجاحد فضل ربي في الشروق وفي الغروب=ولاأنت عبد لك صلات جاهل بركانها

[علي البورعي]

ارررررررررررررررحب

يالقويفل

وجودك شرف لاعدمتك

صح بدنك

ولاهنت شرفتنا بالحضور

.
.
.

اررررررررررررررحب

ياخالد

مرحبا ومسهلا

والليل منور بجودك

عساني معدمك

ومسري الشعااااار

ماهوا بسهل

مصيبة

[مسري الشعار]

اخطيتها وافلتهاواصبحت في نهج الرسوب=وراحت ذلولك ترتبع وانته تمس بطانها

ماحدً يكذب له صدوق ولايصدق له كذوب=هاذي حقيقه واضحه ومثبتً برهانها

[مسري الشعار]

القويفل==وخالد وجودكم يشرفنى وبيض وجيهكم

والبورعي هاذا توضعً منه والاهو مدرسه

[علي البورعي]

مانب بمخطيها وأنا مبصر وعن غيري بنوب=والثابته ماتثبت الا لارجح ميزانها
واللي عظامه ماتشيل في المواقف والحروب=يقعد ولا للبل وقايدها سواء رعيانها

["سالم العجمي"]

الله الله الله شى شى من افظل المحاورات فتل ونقض لله دركم


دعونا نتفرج ونستمتع بالعمالقه هنا

[فارس قحطان]

السلام عليكم ورحمة الله وبركاته

لازالت متابع لكم

واصلووو ياالربع

وانا والشايب الليله سهرانين معاكم :)

[مسري الشعار]

بالك تسري ساريه وانته شاعرومحسوب==و ترىاسبب من نفسك الي راقصً شيطانها

نبغي السوالف الخبر وانته تولعها شبوب===يامولع الفتنه تراهً بيذبحك دخانها

[خولان بن عامر]

سلام عليكم ورحمة الله وبركاته

مسري



البورعي

ترى عليكم خصم


مفروض ان هاذي المحاورة مرتب


لانكم من الشعار المحسوبين في الجدول لكن المره ذي لكم:)

لكن تبون الصحيح بيض الله وجيهكم على هالطاوق المدّهر والناري

ولوني داري كان جينا من يوم بديتوا لكن انا وابو ديه في محاورة في موقع اخر

لكن شدو حيلكم وحن متابعين معاكم

[علي البورعي]

صدقت والأسباب وضحنا تفاصيل الجيوب=الين بانت مابقاء فينا نشد أبطانها
الله يخليلك رفيق عند شداتك ينوب=يوم أنت أخلفت السفينة وأبتلش ربانها
صح السانك
يامسري الشعر
والله أن قد ودي باالمسرى
لاهنت

[علي البورعي]

بيض الله وجهك

واللحين بسري صدق

تصبح على خير

وتشرف بمجاراتك

[آل معمر]

مسري الشعار وعلي البورعي

بيض الله وجيهكم واصلوا واصلوا لاهنتوا وأنا بصراحة تفاجأت بقوة مسري الشعار ولا مهونة للشاعر الكبير علي

رائع أن يتواجد بيننها أمثال البورعي ومسري الشعار

:) <<< متابع بكل حماس

[مسري الشعار]

البورعي قالو لنا شاعر مخضرم ومحبوب==واثره سوات الحيه الي تلتمض بلسانها

النيه البيضاءتلبس صاحبي مشلح وثوب==والنيه السمرا توصل راسها كرعانها


البورعي لاهنت وبيض وجهك والنهايه عندك

[مسري الشعار]

الاخوان خولان ==وال معمر لاهنتو على المتابعه ووجودكم يشرفنى

الف شكر لمروركم