المساعد الشخصي الرقمي

مشاهدة النسخة كاملة : آل الشواط قحطان العز ملبسنا ..لـ جمعان ابن مفلح رحمه الله..!!


مبآركـ،
04-09-2013, 01:15 AM
بسم الله الرحمن الرحيم
السلام عليكم ورحمة الله وبركاته

قصيدة للشاعر الراحل / جمعان أبن مفلح أبن شاهر الشواطي .
( رحمه الله رحمة واسعه )



يا الله اللي نهار الحشر تحيينا=من عقب ما كنت قبل الحشر مفنينا
يا اللي لك المومن يصلي ويسجد لك=أنا أسألك من عقاب القبر تنجينا
وتفرج هموم الضعيف اللي تتالت به=لولاك ضعنا ودرب الحق ضلينا
ورزقتنا أنواع وأشكال من أنعامك=ما ينحصى عدها لو كان عدينا
لك الثنا يا كريم الوجه سبحانك =ولك أنحنينا وضحينا وزكينا
من بعدها والقصيد إن جت مواجيبه=تنظم قوافيه بحروف وموازينا
نارد على الجمه اللي صافي ماها =ونصدر بعد ما شربنا الماء وعلينا
كل على عادته وسلوم جدانه=تابع ويفخر بها حين بعد حينا
وإن جاك ذكر الفعول الأوله قلنا=حنا هل الطايله سقم المعادينا
آل الشواط قحطان العز ملبسنا=تاريخنا يشهد من سنين وسنينا
قوم أساطيرنا كل درى عنها=وأمجادنا تنكتب فيها الدواوينا
نبطش عدانا ولا يبقى لهم باقي=والجاهل اللي غشيم جاهل فينا
نحمي حمى الجار وحدود الديار الي=من دونها ننطح خيول المغيرينا
والضيف يلقى الكرامه والشحم فاله=ونرخص لقصادنا ما تملك يدينا
وخوينا نوفي حقوقه وله حشمه=ويقوم حظ الخوي اللي يخاوينا
يبشر بنا في لزومه لا حصل طاري=فزعاتنا ما توخر عند داعينا
الجاه والكار والوقفات والسمعه=وحب المراجل وعز النفس والدينا
خصال بها ماخذين المنزل العالي=والله تعالى عظيم الشان معلينا
في الهضب جمعان ليث يثبر أخصامه=يوم الحرايب شجاع يوفي الدينا
الفارس اللي علومه عند خلق الله=بيمناه كم فارس مدفون بالطينا
شيوخ القبايل جلت من جور ما لاقت=متوجهين لحميدالدين شاكينا
راح اليمن ثم عاد معطر السيره=وخذا الركوب وحميد يشوف بالعينا
وحدد بلاده على ظهر الشريفيه=من العبيدي ليا حد الشهارينا
واللي معه يجمعون حبوب منثره=وهو برمحه رسمها يسار ويمينا
بلاد يضيع الدليله لا نزل فيها=وفي طولها تفحط خيول الميادينا
وأبو معبر عضيده في بلاويها=أبو معبر ليا منا تعزوينا
يرفى خمال الرفيق ويجبر العثره=وقايعه في العدو لها براهينا
وقصة ضمن دون ماله ما نسيناها=تبقى مع أفعالنا عز وعناوينا
وعقدان عد الروى ما حضي به وارد=غير الرجال اللي سواة الشياهينا
نارد على الموت دونه ماتهاونا=نقبل وعدواننا منا مقفينا
هذي فعايل هل الصملات والعزوه=وكل القبايل على ما قيل وافينا
لهم مثل ما لنا ولنا بعد حاضر=الحاضر اللي يبي يشهد لماضينا
اليوم أبو متعب اللي حاكم الدوله=وحنا تحت حكمته جند مطيعينا
يحكم بشرع الله وسنة رسول الله=ويخدم بيوت الحرمين الشريفينا
حبه جرى في عروق الورع والشايب=وتدعي له الناس وجموع المصلينا
بأمن ورخاء والمساجد دايماً تعمر=والنعمه اللي ما نعلم كيف تاجينا
الله وأنا أسأله يكفينا بلاء الدنيا=ويديم ستره وهو يسمع لداعينا
ما دامت لواحد مهما عمل فيها=مره تبسم لنا ومرار تبكينا
وصلاة ربي عدد ما أنشى من خياله=وبل غزير صدوق وسال وادينا
على النبي الذي للحق أرشدنا=محمد الهاشمي خير النبيينا


يا الله يارب تغفر له وتجعل قبرهـ روضه من رياض الجنه
وتجعل مقرهـ في الفردوس الاعلى مع الانبياء والصديقين والملائكة البررهـ ..

ودمتم بود وأحترام

بن اصريط
04-09-2013, 08:57 AM
الله يحمه
وانا من النوع الي ما احب الا الدعاء للميت ما القصئد ولرثاء ما تعجبني مت الله يرحمه ولاهنت

خوي الذيب الربيعي
05-09-2013, 02:07 AM
الله يرحم جمعان الشواطي
ونعم فيكم يال الشواط
وافين
جيران وأنساب

والله يعز الاسلام والمسلمين ويعز دولتنا الرشيدة وابو متعب يستحق المدايح

مبآركـ،
05-09-2013, 08:42 PM
الله يحمه
وانا من النوع الي ما احب الا الدعاء للميت ما القصئد ولرثاء ما تعجبني مت الله يرحمه ولاهنت

جزآك الله خير ..

الموت حق وكلنا ميتين..
لكن أهل الفعول الطيبه والسيرهـ الغانمه ماتموت سيرتهم عند الاجواد ..

لآهنت وتقبل خالص أحترامي

مبآركـ،
05-09-2013, 08:44 PM
الله يرحم جمعان الشواطي
ونعم فيكم يال الشواط
وافين
جيران وأنساب

والله يعز الاسلام والمسلمين ويعز دولتنا الرشيدة وابو متعب يستحق المدايح

حيآك الله يا الربيعي

وماعليك زود نفدآك ..
شآكر لك ومقدر مرورك الكريم ,,

تقديري وأحترآمي

الفارس الشواطي
07-10-2013, 06:52 PM
ألله يرحمه ويوسع عليه في قبره
اشهد أنه فقيده وخسارته على القبيله كلها
لاهنت

مبآركـ،
17-10-2013, 02:26 AM
آآآمين

حيآك الله أخوي فارس ..
كل الشكر لك على كرم الزيآرهـ ..

تقديري وأحترآمي

محمد بن مسفر بن جليد
17-10-2013, 10:56 AM
يا الله يارب تغفر له وتجعل قبرهـ روضه من رياض الجنه
وتجعل مقرهـ في الفردوس الاعلى مع الانبياء والصديقين والملائكة البررهـ
ولاهنت يامبارك

عبدالله بن صقر ال زلفة
22-05-2015, 04:00 PM
الله يرحمه