المساعد الشخصي الرقمي

مشاهدة النسخة كاملة : رثاء الشيخ كشيم ابو وعله رحمه الله


عبدالله ابن شايع الزهيري
19-08-2013, 01:29 PM
يابري حالي بري عود الخيزران = الموت كم غالي وكم شيخٍ خذاه
مصيبة صارت على جمع قحطان = في موت شيخ شد العز وبناه
كشيم ابو وعله مات يالله المستعان = عسى الجنان الخضر ياربي جزاه
شيخ الوفا والطيب جعله في الجنان = كم سربة للحق تمشي من وراه
ثلمٍ علينا ياوسيعين البطان = إن مارفاه الله ماحيٍ رفاه
تبكيه عسرات المراجل والرهان = وتبكي مواقيف النوادر والدهاه
وتبكي لشدّه والاصايل والعنان = ونبكي عليه وكل منعور بكاه
والعلم وصدور المجالس والمكان = منصا الرجال اللي لهم وجه وجاه
يالله يالمعبود في شهر رمضان = تحسن عزانا فيه وتعين أقرباه
وتحسن عزاء ربعه بدود ال كيرعان = للـــه ماياخذ وللــه ماعطاه
وأيضا عبيده وقحطان أهل السنان = نصبر ورب البيت راضينٍ قضاه
فقيدنا ماهو بفقد لقحطان = إلا فقيد للبلاد وللولاه

مسفر آل حيان
19-08-2013, 07:19 PM
رحمه الله واسكنه فسيح جناته..

الظور
20-08-2013, 09:58 PM
رحم الله الشيخ قشيم ابن احمد ابن وعله

لاهنت ياعبدالله على القصيده

وللتنويه الاسم الذي نعرفه ويتسمى به الشيخ المرحوم باذن الله هو قشيم وليس كشيم

تقبل مروري وتحياتي

نايف ابو ديه
25-08-2013, 02:36 AM
صح لسااانك
واسال الله ان يرحمه ويرفع منزلته وكل مسلم

تقديري

سفر بن مبارك
30-08-2013, 02:39 PM
صح الله لسانك والله يغفر له ويتوب عليه عز الله إنه فقد

أحسنت

سلطانـ قحطانـ
31-08-2013, 09:43 PM
رحم الله فقيدنا جميعاً وغفر له

وصح لسان الشاعر المعروف والجزل

وافي يابو شايع والقصيدة وافيه