المساعد الشخصي الرقمي

مشاهدة النسخة كاملة : قصيدة للشاعر الكبير / رشيد الزلامي


نايف راكان
03-08-2013, 03:25 PM
وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه من خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطن عيشـة الـذل والعـار
مادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير من التـرف والميوعـه

غشام ال مهدي
05-08-2013, 02:45 AM
لاهنت وصح السان الشاعر /رشيد الزﻻمي

عابر طريق
07-09-2013, 06:51 PM
الهم صلى وسلم على نبينا محمد

ياسر محمود الحميداني
10-09-2013, 03:37 AM
صح لسانك قصيدة جزلة وعالجرح صح لسانك ولا هنت