المساعد الشخصي الرقمي

مشاهدة النسخة كاملة : ادور ولا اعيّن


عبدالله المشعلي
28-07-2013, 01:37 PM
" من الإرشيف "

شريت لي موتر من معرضٍ حصين=( ونيت رنجر ) هل الصنف يتمنونه
باعه علي واحدٍ بالكاش ما ديّن=يخاف بعض الزباين ما يوفونه
واخذت شهرين اصلح فيه وازيّن=اربـّط الشاص واوزن دركسونه
وبعد الصيانه ركبت الموتر الصيّن=ونصّيته اللي قنوص الصيد ينصونه
ذاك المكان .. البعيد الغابي البيّن=اللي ما اعرفه ولا ادري وش يسمونه
والحظ لا شان ما زينت ما شيّن=وانا احسب اني باجيب الوعل بقرونه
وتعبت من كثر ما ادور ولا اعيّن=وكذبت من قال شاف الصيد بعيونه
ونشدت لي واحد متعلمٍ ديّن=حب المقانيص والتقليص ديدونه
قال ابشر .. وقام يعطي جانبٍ ليّن=ونادى علي ربعه اللي ما يملونه
ثم قال .. لازم تزين مثل ما نزيّن=لا تنقل الا كريزيه وشازونه
واليا تبين سهيلٍ عقب ما غيّن=خاو النشاما وسو اللي يسوونه
والصيد حذر ولا ينصاد بالهيّن=ومدور الصيد ما يمشي على هونه
يسري مع الذيب عاد الصبح ما بيّن=ما يصبح الا وراس الريع من دونه
قلت احسبوني خويٍ صاملٍ ميّن=واثر القنص طرقته ما هيب مامونه
ويا وقتي القاسي يا وقتي الليّن=ويا حالي اللي تغير واختلف لونه
والربع ما فيهم اللي قلبه حنيّن=عليهم من الله .. اللي يستحقونه

عبدالله المشعلي

محمد بن مسفر بن جليد
02-08-2013, 03:29 AM
صح الله لسانك يا عبدالله جزل

عساااف العجمي
13-08-2013, 11:03 PM
صح لسانك

نايف ابو ديه
25-08-2013, 02:39 AM
صح لسااانك
مبدع

تقديري

اابوذيب
16-10-2013, 06:40 PM
صح الله السانك يازميل العزيز سقى الله ايام المعهد

مبآركـ،
17-10-2013, 02:24 AM
هههههه

حيآك الله يا عبدالله

وصح الله السانك الجزل وأعتلى شانك ...

تقديري وأحترآمي

مسعود القحطاني.
06-02-2014, 11:47 AM
صح لسااااااااانكك