وبنـت الرجال اللـي تعـزوى بهـا رجــال

[بن اصريط]

بنت الرجال تشوم عـن درب الأنـذال
تبعد جنابه عن دروب الرديه
مـاهــي فـــي درب العـشـاشـيـق تـخـتــال
ولا هــو طـمـوحـه يـــوم تـصـبـح خـويــه
ولا هـي بتشـرى بشحـن هاتـف وجـوال
ولا لا ولا تــــشــــرى بــعـــطـــر وهــــديــــه
ولا هـي مـن الـلـي كــل يــومٍ لـهـا حــال
وعـنـده مــن الاصـحـاب عـشــره ومـيــه
الــيــوم مــــع هــــذا بــــلا شــــك وجــــدال
وبـــكـــرى مــــــع هــــــذاك تــعــقــد يـــديـــه
هــذاك تـرسـل لــه مــن الـحـب مـرســال
وغــيـــره مــعــاهــا بـالـمـسـنـجـر ســـريـــه
تـضــحــك عـلـيـهــم واتــغــنــج وتــحــتــال
وهــم يــا حــرام يـجـون بـأجــزل عـطـيـه
أحــــدٍ تــبـــي مــنـــه أســـــوار وسـلــســال
وأحـــــــــدٍ فـــواتـــيـــره يـــــســـــدد هـــــديـــــه
وأحــدٍ لـهـا يـحــول آلـــوفٍ مـــن الـمــال
وتـضـحـك وهـــي تــقــول ديــنــك عـلـيــه
وش يـنـفـعـه لا قــيــل بــالأســـم رجـــــال
والـبـنـت تـلـعـب فــيــه صــبــح وعـشـيــه
أنـا اشهـد انـه لـو لبـس بشـت وعقـال
مـــــا جـمــلــه بـشــتــه بـعــيــن اجـــوديـــه
وش عاد لو هو مالـك قصـور وآمـوال
واسـمـه مسـجـل شـيــخ وســـط الـهـويـه
الـشـيـخ مــــن بـيـتــه لــلأجــواد مــدهــال
مــا هــو بشـيـخ فـلــوس لا رحـــم حـيــه
وبنـت الرجال اللـي تعـزوى بهـا رجــال
عـيـنـه عـلــى الاشـبــاه مــاهــي شـقـيــه
مـا يشـوق بعيونـه سـوى طيـب الخـال
الــلـــي يــديــنــه مــــــن عــطــاهــا نـــديـــه
عيـنـه عـلــى الـطـيـب تـنـاظـر وتـخـتـال
ولــــد الــرجـــال الــلـــي عـلــومــه غـنــيــه
ولــــو كــــان مــــا يـمـلــك بـيـديـنــه ريـــــال
ويـــــده مـــــن كــنـــوز الـــدراهـــم خــلــيــه
يـكـفـي ألـيــا مـــن مـــر ذكـــره بـالآمـثـال
والــكـــل قـــــال : ونــعـــم يـــاحـــي حـــيـــه
الـمـاسـةٍ مــــا كــــل مــــن هـامـهــا طــــال
وكــــلٍ يـبـيـهـا بـــــس مـــــا هـــــي دنــيـــه
مصـيـونـةٍ عـــن قـــول حــاســد وعــــذال
ومـحـشــومــةٍ عــــــن درب ذم وخــطــيــة
تـخـاف مــن هــرجٍ يـجــي فـيــه مـحـتـال
حكـيـه شـهـد مـدسـوس فــي ســم حـيـه
الطرف يغضي غصب لا شـاف رجـال
والــعــيـــن مـــالــــه بــالــنــظــر مــقـــدريـــه
هـــي مـهــرةٍ مـــا يـعـسـفـه كــــود خــيــال
ذيـــبٍ سـنـافـي عـــز مـــن هــــو خــويــه
حـــرٍ شـلــع مـــا بـيــن هـامــات وجــبــال
لـــــه نــظـــرةٍ تــــــرث بــالاعــمــاق كـــيـــه
عـلـى النـقـى يصـبـح لـهـا فِــي وظــلال
قـــــدام كــــــل الـــنـــاس مـــاهـــي خــفــيــه
بوضـح النهـار بـدون ريـبـه ولا اقــوال
الـــصـــح واضــــــح والـخـطــيــه خــطــيـــه
هـذي هـي اللـي تنـشـرى بغـالـي الـمـال
ويـرخـص لـهــا الـغـالـي وتـشــرى يـديــه
وهـــذي تــســاوي بـعـزتــه ألــــف رجــــال
وش عـــاد لـــو هـــي بالـمـسـمـى بـنـيــه
وهـذيــك مــــا تـبـغــى ولــــو مــهــره ريــــال
ولا أحـــــدٍ يـبـيـهــا كـــــود خــبـــلٍ دهــيـــه
سبحان من هو فرق الناس با أشكال
وألــــــوان وأفـــعــــالٍ وحــســنـــى وســـيــــه
ومثـل مــا فـيـه رخــوم بالـنـاس ورجــال
أيـضـا بـنـات الـنــاس مـــا هـــن سـويــه

[الفارس الشواطي]

صح لسانك
مشاء الله على طول نفسك
كفيت ووفيت

[بن اصريط]

ههههههههههههههههه
زين قلت ماشالله طول نفسي بنقل القصيده بالمنتدى بس على طبيعه
اتنفس كل ثانيه لاهنت