المساعد الشخصي الرقمي

مشاهدة النسخة كاملة : حب عذري


أبوراكان النهدي
21-05-2013, 04:53 PM
ياعين ياالي ماتنامين ياعين = واهل البلد كلٍ تهنى بنومه
ليه السهر ياعين والناس موين = هو بش ظلام الليل والا نجومه
قالت عذابي من فراق المحبين = واللي مفارق روح ماحد يلومه
وانا غديت اليوم مابين نارين = عبير صارت في منامي حلومه
تقبل علي وتقول اهلا ملايين = اتخيل الغالي بزاهي هدومه
حبه جراء بالدم وسط الشرايين = وحبه ملكني والليالي ظلومه
والحب سنه والهواء حق يازين = ولاحد من الدنيا رحل قبل يومه
طبع الهواء يجمع على الود قلبين = قصة غرام ٍ فيها الحلا والنعومه
فيها مشاعر صادقة للمودين = وغلطان من يصبح ل حبه يسومه
وناسه العشاق احلا من التين = مناقشه وعتاب لاكن رحومه
جلسة غرام اليا التقت بين لثنين = تسوى بلد باريس واعلى رقومه
ضحكه مع نظرات فيها عناوين = مخضرمه والحب فيها رسومه
وكلمات معسوله وشرهة مقفين = هاذي حياة الحب وهذي سلومه
يابنت انا مشتاق بالحيل تكفين = قلبي من الفراقاء تخالف عزومه
تايه بحبك ياهواء القلب والعين = والشوق في قلبي ونفسي كتومه
وبحر الهواء له موج ياقلبي اهوين = دونه رجال المع ربعه وقوم
يابنت بي رحمه تري خاطري شين = هذا رجب ياناس شكلي ب صومه

كلمات / طايع ال بدر النهدي

ابراهيم آل بي حبيب الرفيدي
06-06-2013, 03:15 AM
تسلم يالنهدي على المشاركه الطيبه

لاهنت

أبوراكان النهدي
11-06-2013, 04:35 PM
مشكور اخوي المرور ع موضوعي بس ماكنت اتصور الركود
في مجالس قحطان على عدم الرد على المشاركات
لك مني اجمل التحيات