المساعد الشخصي الرقمي

مشاهدة النسخة كاملة : في حفل شيخ يرتكي لثقايل


دايس ال مسعود
20-04-2013, 08:33 PM
قصيده تشرفت في تقديمها في حفل الشيخ / نايف ابن محمد ال سعيد ال عاطف رئس مركز متعبه في الرين


ياالله ياوالي عليك التياسير = يالواحد المعبود منش المخايل

ياخالق الانسان مجر المقادير = يطلبك عبدك في جميع المسايل

أنك توفقني على كلمة الخير = وتحط لي فالطيب عز ودلايل

من بعدها حان الوعد يالمناعير = في لليلة تشف القلوب العلايل

سلام ياهل الطيب روس المشاهير = أهل الكرم والطيب والراس طايل

سلام واحلى من حليب المصاغير = وأزكى من الجوري ونبت الشتايل

سلام يبدا مثل طلع النواوير = في مرتعِ ماداجته كل حايل

جينا نزف التهنئه والتباشير = في حفل شيخ يرتكي لثقايل

مبروك يانايف زبون المخاسير = حرِ على الطالات والشبر طايل

ماجاتك الشيخه بدفع الدنانير = ورث لبوك الي يحوش الجمايل

عودِ على الطالات جاله تقارير = أسمه يكفي في صفوف الاوايل

ممشاك يانايف على سكة السير = كمل طريق العود مابه بدايل

تستاهل المنصب وحشمه وتقدير = على المراجل كاسبين النفايل

ربعك أحزامك فاليال المعاسير = ربعِ تعدل فاللقاء كل مايل

ألاد ابن عاطف حماة المظاهير = لا صيح الصايح ونشف البلايل

تفرح بهم لا صار ضرب البواتير = كم شيخ قومِ طاح ودم سايل

قومِ على الشدات فيها سعاطير = لا زعزعو عاطف تشوف الهوايل

أثقل على العدوان من هضبة النير = عدوكم يطعم ارهاف السلايل

أهل الحمايا متعبين الطوابير = حرابكم يحسب نجوم القوايل

يلي على العدوان قوة وتاثير = فرسانكم تتعب ظهور الاصايل

يكفيك فعل حقيب غطاء على الزير = أرث لنا سلم مشاء للقبايل

أنا اشهد انه حقيب ستر الغنادير = سلائله ربعِ خيار السلايل

لا صار يوم فيه مثل المعاصير = جوك الجحادر مثل ضلعان حايل

من فعلنا يامسندي يشبع الطير = حرابنا فوقه تحط النثايل

أخيولنا في نجد ورد ومصادير = رماحنا تقضي على كل عايل

أصل العرب قحطان عز ومسافير = اصل العرب قحطان والشك زايل

حرابنا فوقه تحوم الكواسير = تبشر بنا لاصار جد وصمايل

كل القبايل ونعم دون تقصير = والله وسبع انعام ببناء الحمايل

اليوم نور جونا خير تنوير = الله يديم الامن والشر زايل

حكامنا ال سعود ماغيرهم غير = حكامنا ال سعود من راس وايل

وقت الرخاء ياسيدي لك جماهير = تفرح بنا لاصار رز الشلايل

دون الوطن مانلتفت للمعاذير = تفخر بنا من نثرت بالجدايل

وختامها صلوا على داعي الخير = على محمد عد وبل المخايل

علي بن شداد القحطاني
21-04-2013, 12:28 AM
ألاد ابــن عـاطـف حـمـاة المظـاهـيـر=لا صـيـح الصـايـح ونـشـف الـبـلايـل
تفـرح بهـم لا صـار ضــرب البواتـيـر=كـــم شـيــخ قـــومِ طـــاح ودم ســايــل
قــومِ عـلـى الـشـدات فيـهـا سعاطـيـر=لا زعـزعـو عـاطـف تـشـوف الهـوايـل


ماظلمت بختك ياعبدلي