بدر بن هادي الوبري
09-12-2005, 06:26 PM
يا خساره وقتنا اللي ظاع كله= ماتوقعت النتائج بالخساره
الخوي اللي يزود الطين بله= يحسب انه يوم سواها شطاره
مستغل الطيب مني مستغله = والليالي ماتجي حسب اختياره
مادرى ان طويق ثابت في محله= ومادرى ان سهيل ثابت في مداره
وما درى اني فاطن له فاطن له= فاهم والحر يفهم بالاشاره
مانجي درب المهونه والمذله= وان هويت فجعل يدي للجباره
والدليله مايبي لا احدا يدله= واشهد انه صح من قال العباره
رفقة الطيب بطيبه ما تمله=والنشاما معرفتها اكبر تجاره
والخلايق بعضها في الحلق عله= ومستحي لا ازيح وافك الستاره
فليش كلا زايد في القلب غله=يحاولون بطيح حظي وانكساره
شلة واه من قولات شله =والحريقه ما تجي الا من شراره
كل يوم دامح غلطه وزله= مايصعبني اهانه واحتقاره
لكن شور النشاما تقول خله=جاهل والموت والله با نتظاره
فالردي جعل الولي ربي يشله=ثم يحط بموقع يشتب ناره
يحرم من العود ومن فنجال دله= خاف ظيفه خاف ابوه وخاب جاره
والوفي رجلا يظل الناس ظله= ما خذ كلمة كفو بفعل وجداره
منزله بين المطاليع الاهله = صامل الوقفات الا يا شين ثاره
مثل هذا افتخر في رفقة له= وعاش من حاز البطوله والصداره
وانت ياللي تحسب ان الوقت فله =كان ربي راد بتذوق المراره
فيا خساره وقتنا اللي ظاع كله =(وطاح قدرك مثل برجين التجاره)
الخوي اللي يزود الطين بله= يحسب انه يوم سواها شطاره
مستغل الطيب مني مستغله = والليالي ماتجي حسب اختياره
مادرى ان طويق ثابت في محله= ومادرى ان سهيل ثابت في مداره
وما درى اني فاطن له فاطن له= فاهم والحر يفهم بالاشاره
مانجي درب المهونه والمذله= وان هويت فجعل يدي للجباره
والدليله مايبي لا احدا يدله= واشهد انه صح من قال العباره
رفقة الطيب بطيبه ما تمله=والنشاما معرفتها اكبر تجاره
والخلايق بعضها في الحلق عله= ومستحي لا ازيح وافك الستاره
فليش كلا زايد في القلب غله=يحاولون بطيح حظي وانكساره
شلة واه من قولات شله =والحريقه ما تجي الا من شراره
كل يوم دامح غلطه وزله= مايصعبني اهانه واحتقاره
لكن شور النشاما تقول خله=جاهل والموت والله با نتظاره
فالردي جعل الولي ربي يشله=ثم يحط بموقع يشتب ناره
يحرم من العود ومن فنجال دله= خاف ظيفه خاف ابوه وخاب جاره
والوفي رجلا يظل الناس ظله= ما خذ كلمة كفو بفعل وجداره
منزله بين المطاليع الاهله = صامل الوقفات الا يا شين ثاره
مثل هذا افتخر في رفقة له= وعاش من حاز البطوله والصداره
وانت ياللي تحسب ان الوقت فله =كان ربي راد بتذوق المراره
فيا خساره وقتنا اللي ظاع كله =(وطاح قدرك مثل برجين التجاره)