ناصر بن هذال ال شري
20-03-2013, 12:23 AM
لاحزاني بوجه المرايه تقاسيم=لوانها متلثّمه بابتسامه
في لونها من عارض البرق والغيم=وان امطرت خدي عداه الملامه
حاولت أخفيها عن السين والجيم=لكن بانت للتعجب علامه
طفت مصابيح الفرح والترانيم=صارت نواحٍ مثل نوح الحمامه
الجرح غاير داخل الصدر ومقيم=ما عاد يسلم لين يوم القيامه
والايام تالي الوقت عندي مجاهيم=غفال ما تحمل عليها علامه
ان دبرت ما كنها الا من الهيم=وان اقبلت ياشين ذيك الجهامه
اروغ من الثعلب وفي سرعة الريم=ورحولها تركب بليّا مسامه
لاشك هذي من الآهي مقاسيم=ورجاي يهديني لدرب السلامه
****وسلامتكم
في لونها من عارض البرق والغيم=وان امطرت خدي عداه الملامه
حاولت أخفيها عن السين والجيم=لكن بانت للتعجب علامه
طفت مصابيح الفرح والترانيم=صارت نواحٍ مثل نوح الحمامه
الجرح غاير داخل الصدر ومقيم=ما عاد يسلم لين يوم القيامه
والايام تالي الوقت عندي مجاهيم=غفال ما تحمل عليها علامه
ان دبرت ما كنها الا من الهيم=وان اقبلت ياشين ذيك الجهامه
اروغ من الثعلب وفي سرعة الريم=ورحولها تركب بليّا مسامه
لاشك هذي من الآهي مقاسيم=ورجاي يهديني لدرب السلامه
****وسلامتكم