المساعد الشخصي الرقمي

مشاهدة النسخة كاملة : مشاركتي في حفل قبائل قحطان ووادعه بالمنطقه الشرقية


أبو معتز
11-03-2013, 10:15 PM
مشاركتي في حفل قبائل قحطان ووادعه بالمنطقه الشرقيه لتكريم الاستاذ ناصر القحطاني رئس مجلس ادارة قنوات الساحه وعضاء مسابقة شاعر المعنى
يوم الاحد الموافق 28 ربيع الثاني 1434في حفل بهيج وليلة عطره وممطره





يارب وجـهي لك وادور للجميل = الـلي يجملنـي لمـا جالي مجــال
قد لي ثلاث اليال اخايل لي مخيل = نوه من القبلة على الشرق وشمال
اخايل بروق الشعر فوقي واخيل = واسمع رعود الشعر ونصوبه ثقال
يا راسي اللي لا بغا الشعر الجزيل = ماجاب غير المفردات من الجزال
في محـتفل قـحطان واعـدل لا تمـيل = يا حظي وتعال يا شعري تعـال
جملني امدحهم وانا وجهي طويل = قحطان لا عدو مداغيش الرجال
اهل الظفر والخيل والبل والجميل = والشعر وازيان البنادق والدلال
واهـل الكرم والطيب جيلً بعد جيل = من اول الدنيا وعاد الحال حـال
واهل العوايد والسلوم اللي تشيل = همً على المضهود من سود الليال
في وجـيهم يزبن من الخـوف الدخيل = ويامن بهيبتهم كريمين السـبال
اهل الصلاة وسجدة في وسط ليل = لا نامت عيون العصاة اهل الظلال
واهـل القـنا والـرمح في يـوماً يهيـل = يـوم العـزاوي والمــواجه والقـتال
واكـــبر دليل ان كـان تبـغون الدلـيل = ولاهـم لـدولة مروين الـسـلال
أيــام توحـيد البـلاد وفي سبيل = طــاعة ولات الامـر وافــين الخــصال
يـسطر التــاريخ من وقـتاً طـويل = امـجادهم على المـشاريف الطــوال
مـن اليـمن لنـجد لاطــراف الجبيل = بين الـسهول الجــراديه والجـبال
في دولة اهل الحكم والسيف الصقيل = هذه مواطنهم ونجد اكبر مثال
واخــتامــها ذلـيل كــلاً للجـميل =يــورد بيوتـــه ويســعى للــجــزال
وانا وقفت اقدم الشعر الجزيل = من غير قاصر في القصيد وفي الرجـــال


محمد بن عبدالله الفهري

فارس قحطان
12-03-2013, 12:07 AM
صح لسانك يابوعبدالله

قصيدة جزله

لاهنت

أبو معتز
15-03-2013, 01:50 AM
صح بدنك ولاهنت على مرورك . تحياتي وتقديري

محمد بن مسفر بن جليد
15-03-2013, 10:51 PM
صح لسانك يابوعبدالله

قصيدة جزله

لاهنت

دايس ال مسعود
15-03-2013, 11:58 PM
ارحب ياشاعرنا

صح السانك واعتلى شانك..

يحي القاضي
17-03-2013, 11:14 PM
لاهنت يالذيب ومرحبا وسهلا ..

شرفت بالحضور ..
أوجزت فأبدعت ,,,

ناصر بن هذال ال شري
20-03-2013, 01:42 PM
سلمت وصح الله لسانك

الظور
20-03-2013, 09:43 PM
جميل وانت من هله يابو عبدالله

تجمل وتجمَل وقصيده جميله وكلام ذرب مايستغرب من راعيه

صح لسانك