المساعد الشخصي الرقمي

مشاهدة النسخة كاملة : طلـب قصـــيدة ابن قرملة (لـي لابــة ......)


معيض القحطاني
08-12-2005, 05:57 PM
الرجـــــــــــــــــــــــــــــــــــــــاء
ممن يعرف
القصيــــــــــــــــــــــــــدة (لي لابة .......
....الى اخر القصيدة


كاملة او جزء منها ان يضعها


وله جزيل الشكر

الوهابى
09-12-2005, 01:45 PM
ومنا للقراء والاعضا




اشوف ان منتدى الشعر وسوالف الاولين انسب للموضوع

سليمان القحطاني
09-12-2005, 08:09 PM
اتمنى ان توضع كامله ومتى قيلت

فارس قحطان
10-12-2005, 11:03 PM
السلام عليكم ورحمة الله وبركاته

هذه القصيدة قالها الشيخ محمد بن هادي بن قرمله
يجيب فيها الشيخ ابن شافي عندما قال :

ياراكب حمر بلون سحامه = ترعى الزهر لين الشحم فوقها زام

والقصيده اطول من ذلك فرد ابن هادي :

ياسابقي تستاهلين السلامة = الله يجيرك من بلا سو الايام
لا بد من يوم نطير قتامه = اما على المطران والا على يام
ياذا البهم والله ان تباري الجهامه = لما تجي من بين صفوى والاوجام
لي لابة حدرتهم من تهامه = سلاحهم مخ الفرنجي والاورام
حنا كماسيل يطم العدامه = حول على طاش البحر له تلطام


وهي اطول من ذلك وهذا اللي انا حافظه
واللي عنده اي اضافة ياليت يضيفها


وشكرا

الوهابى
10-12-2005, 11:52 PM
المراقب العام


مشكور وما قصر

معانق سحاب
19-12-2005, 04:45 AM
ياسابقي تستاهلين السلامه..الله يجيرك من بلا سوء الأيام
لابد من يوم يطير قتامه.. أما على المطران ولا على يام
ياذا البهم والله تباري جهامه..لما تجي مابين صفوه والأوجام
لي لابةَ حولتهم من تهامه..سلاحهم مخ الفرنجي والأورام
حنا كما سيف يطم العدامه..حول على طاس البحر له تلطام
وان كان عندك علم سير كرامه.. عجل ترى ربعك مشافيه وهيام
كرامه ترث عليكم ندامه..تصلح ذراهيكم مراميل وأيتام
تمشي صقورن مطلقين الحزامه..من عقب لبس الجوف قدوله الخام
وان كان تطري السيف تفصخ لجامه..لو هو على الدوشان راكان تلاه


وهذه القصيده مرسله من الشيخ محمد بن هادي بن قرمله الى الشيخ راكان بن حثلين

ساري تحت النجوم
23-12-2005, 11:22 AM
السلام عليكم جمييييع انا مسجل معكم من ثلاث ايام ولاحبيت اشارك بأي شي لانكم ماقصرتوا في كل شي تام وتام وتام ويمكن اني اصغركم في العمر ويوجد اعضاء ومشرفين ادرى وابخص مني لاكن عساني اوفق في نقل مما اعرفه عن دولة قحطان وخاصه الخنافر من قحطان وعلى كل حال اخوي اللي طلب قصيده لي لابه انا اعرف بعض الشي منها ...

لي لابة ماجمعت بالعلايف ,,,, من نسل قحطان وتعزى على هود

والاخرى....

لي لابة لاقلت للخيل رده ... ترايعوا للهوش مثل الجمالي

وكلبيها للشيخ والفارس محمد ابن هادي ابن قرمله اسكنه الله فسيح جناته

وتقبلوا تحياتي اخوووووووووكم الخنفري

العاطفي (دوت كوم)
24-12-2005, 11:39 PM
أخوي معيض ولا مهونت للربع الباقين ابن هادي قال (لي لابة .....) في أكثر من
قصيده ولادري أنت تبغى أي وحده منها ولاكن بقول الي أعرفه .

الاولى :


لي لابة لاقلت للخيل رده =ترايعو للهوش مثل الجمالي
وفعولنا بالضد كلن يعده = يعده الاولين لنسل التوالي
ربعي لي ................... = وانا اروف بهم من مربى العيالي
أتبع مصالحهم بلين وشده = واكسر بهم عظم الحريب الموالي

والثانيه :


لي لابة تروي حدود الرهايف = لاجا نهار فيه حاوي ومطرود
ولي لابة مجمعت بالعلايف = من نسل قحطان وتعزى على هود
والثالثة :


يا سابقي تستاهلين السلامه = الله يجيرك من بلا سو الايام
لابد من يوم نطير قتامه = أما على المطران ولا على يام
يذا البهم والله أن تباري الجهامه = لين تربع بين صفو والاوجام
لي لابة حولتهم من تهامه = من قولهم صنع الفرنجي والاروام

هذا الي انا أعرفه
والمعذره لو بدا مني قصور

خيال مهزعة الغصون
14-07-2006, 03:33 PM
لا هنتوا اخواني الاعضاء على ما ذكرتم

فتى الخنافر
24-07-2006, 05:57 AM
السلام عليكم ورحمه الله وبركاته وش حالكم يا رجال وعساكم طيبين
يا معيض ونا اخوك القصيده اعرفها ولا يهنون عيال عمي بس يا خوك ماني بحافظ منها الا القيل بس ابشربها كامله يا ذيبان ابي انشد الشايب عنها ورد لك خبر
اخوك فتى الخنافر

الزهيري المغترب
28-07-2006, 03:17 AM
اشكر الجميع على اجابة الاخ الغالي صاحب الاستفسار وهذا كما عودنا عليه الاخوان

اخيكم الزهيري المغترب

ابن بطي السحمه
02-08-2006, 12:37 AM
السلام عليكم ورحمة الله وبركاته لا هنتوجميع