المساعد الشخصي الرقمي

مشاهدة النسخة كاملة : الشاعر/ محمد بن علي آل مسفّر في خاله الشيخ عايض ابن ذيب ( رحمه الله )


سلطانـ قحطانـ
17-02-2013, 08:03 PM
مرثية الشاعر/ محمد بن علي بن مبارك المسفري في خاله الشيخ عايض القنطاش "رحمه الله"




تناقلوا كل الرواه القصايد=في مقتلك ياشيخ شمل المواجيب

في كل يوم اسمع بيوت جدايد=والشعر يخطي مره ومره يصيب

ومالدني عن بدع قاف الشرايد=الا الحزن خلف الضلوع المحاديب

من يوم وردن العلوم الوكايد=بالموقف اللي يجعل البالغ يشيب

شبت وراء عوج الضلوع الوقايد=وصارت همومي للحنايا معازيب

جزل القوافي للقريحه عوايد=وعد الروى مافيه شك ولاريب

يالله يامحيي هشيم الجرايد=ومسقيه من غر المزون المهاديب

اجبر عزاء الحرقان واجبر عبايد=في موت رمز الجود عايض ولد ذيب

واجبر عزاء قحطان جمع وفرايد=في فقد قرم ماقفته العذاريب

ياللي تلوم وتحسب الوضع زايد=لاشفت نقاض الجدايل مناحيب

عايض بكوه شيوخ شمل وبدايد=وبكاه جوخ يلبسه في المناديب

والمجلس اللي في الرخاء والشدايد=فيه الشحم والبن والهيل والطيب

وتبكيه ضلعان العرين النوايد=وذيب الفلا يقنب من مفارق الذيب

يالله تغفر له نهار الحصايد=وتكفيه من نار نسمها لواهيب
وتجعل مكانه ساعة الحشر نايد=في جنتك ياعالم الجهر والغيب

موت الرجال اهل المواجيب كايد=بالذات لا صاروا شيوخ ومناصيب

والحزن يا ال كناد ماهو بفايد=وما تنفع الدمعه ولا فرية الجيب

شدوا على ايد حسين وحسين قايد=حر تسلسل من علو المراقيب

تمت وصلوا عد نظم الفرايد=على الرسول اللي منزه عن العيب

أبو صقر
18-02-2013, 08:52 PM
صح لسانك ورحم الله ابو حسين وغفر الله لنا وله والحمد لله على قضاء الله وقدره ولاحول ولا قوة الا بالله العلي العظيم

الذيابي
20-02-2013, 08:21 PM
صح لسانك
والله يرحمه ويسكنه فسيح جناته
والله يتجاوز عنه
إنا لله وإنا إليه راجعون

سفر بن مبارك
21-02-2013, 11:35 AM
صح الله لسانك وبيض الله وجهك أحسنت أحسن الله عملك

سلطانـ قحطانـ
09-03-2013, 01:14 PM
صح الله لسانك وبيض الله وجهك أحسنت أحسن الله عملك

ووجهك ابيض لاهنت على المرور والمشاركه

والله يرحم الشيخ النادر عايض القنطاش

انشهد انه فقد علينا

وفقده مايتعوض