قصيدتين

[المحيط]

قصيدة الشاعر راشد بن معديه القحطاني في رثائه ذيب بن عبود أحد شيوخ قحطان وهي:



رحنا من الماء في هوى شمخ النيب = وخلوا على العد المسمى بضاعـه
يا ذيب انا بوصيك لاتاكل الذيـب = كم ليلـة عشـاك حـل المجاعـه
كم ليلة عشاك حـرش العراقيـب = وكم شيخ قوم طوحت لك ذراعـه
بيته لجيرانه يشيـد علـى الطيـب = وللضيف بيته في طويل الرفاعـه
خيالة الشرفـا حـرار المراقيـب = كم هجمة بايمانهم جـت طماعـه
بارماحهم ينحون عنـا الاجانيـب = ولشيخهم يمشون سمعـا وطاعـه

القصيدة المرادفة والمشابهة لها قصيدة الشيخ شالح بن هدلان في ابنه ذيب عندما قتل اخذ يرثيه في قصيدته المشهورة والتي هي:



يا ربعنا ياللي على الفطر الشيـب = عز الله انه ضـاع منكـم وداعـه
رحتوا على الطوعات مثل العياسيب = وجيتـوا وخليتـوا لقلبـي وداعـه
خليتـوا النـادر بـدار الاجانيـب =وضاقت بي الافاق عقب اتساعـه
تكدرن لـي صافيـات المشاريـب = وبلعون شفت الذل عقب الشجاعـه
يا ذيب انا بوصيك لاتاكل الذيـب = كم ليلة عشـاك عقـب المجاعـه
كم ليلة عشاك حـرش العراقيـب = وكم شيخ قوم كزته لـك اذراعـه
كفه بعدوانـه شنيـع المضاريـب = ويسقي عدوه بالوغى سـم ساعـه
ويضحك اليا صكت عليه المغاليب = ويلكد على جمع العـدو باندفاعـه
وبيته لجيرانه ايشيد علـى الطيـب = وللضيف يبنى في طويل الرفاعـه
جرحي عطيب ولا بقالي مقاضيب = وانبت حبل الوصل عقب انقطاعـه
كني بعد فقـده بحامـي اللواهيـب = وكني غريب الدار مالـي جماعـه
من عقب ذيب الخيل عرج مهاليب = ياهل الرمك ما عاد فيهن اطماعـه
قالوا تطيب وقلت وشلون ابا اطيب = وطلبت من عند الكريـم الشفاعـه

[محمد الحياني]

ارحب اخووووووووووووووووووي


المحيط احاطك الله بالعافية




مشكور على نقل هذه القصائد الرائعة

[الوهابى]

يعطيك العافيه وما قصرت

[الوافي نت]

لا هنت يالوهابي

وبيض الله وجهك

ولا يستغرب الطيب عليك

[مانع الملاطي]

بيض الله وجهك والكثير من الكتاب خلط بين هاتين القصيدتين




لك جزيل الشكرررر

[المكابسي]

الله يعطيك العافية

على هالقصيدتين

وتسلم يالغالي0