الطيب اخير من الردا

[ابو نواف]

يالله يالمعبود رب السماوات = ياواحداً كل الخلايق عبيده

نطلبك بالرحمة للأحيا والأموات = فـ جنان عدن وفي حياةٍ سعيده

وانا نويت آقول لي عشرة ابيات = فيها من الواقع اعلوماً وكيده

يالادمي دورات الأيام عجلات = وكلاً يحصل ماكنز في رصيده

يلقا المرارة فاتباع الملذات = ويلقا الحلاوة فاتباع العقيده

وكلش موضح له بإحاديث وايات = واللي يضر الآدمي مايفيده

وترا الظفر فالرجل والدين لاجات = مع الكرم حاز الصفات الحميده

وحلمه وعلمه ترفع المعنويات = ويقال جابوا والدينه وليده

ودمحه خطا ربعة يزيده علامات = يوم المهبا لطمته في قعيده

وعلى مثل ماقيل في فايتاً فات = من واحدٍ قبلي مسويٍّ قصيده

الطيب اخير من الردا عشر مرات = والموت اخير من الحياة الزهيده