المساعد الشخصي الرقمي

مشاهدة النسخة كاملة : ياجعل عيني تغمض قبل عينك,,,ياسليل المجد يفداك الهداني


نايف ابو ديه
31-12-2012, 03:49 AM
القصايد يوم جبنها سماني=انظمه يوم ان بدع القاف زاني
هاجسي البطران يختار الفرايد=ينحت اصخور(ن)يبي زين المعاني
مايجيب الرث يتعب عالجزيله=والهزيلة مالها عندي مكاني
والقصايد كان تبغا فايدتها=عند ولد الاش لاترخي الاذاني
استمع للي مجانيهم عريبه=بين خال وبين جد وبين عاني
الشعر وهبه وياتي بالوراثه=من قديم الوقت وسنين وزماني
واحمد الله يوم ربي خصني به=من خوال وجد متحدر وجاني
ولاعلي اخلاف دام العرق طيب=كلهم شيخان من قاصي وداني
ويوم اطري بوي فكاك النشايب=شيخ قومن فالمواقف صيرماني
صامل الوقفات راسي فدوتن له=يوم يصهل في المحاضر كالحصاني
هو عقيد القوم ربعه تفتخر به=وتفتخر في عرفه اشيوخ اقحطاني
ياجعل عيني تغمض قبل عينك=ياسليل المجد يفداك الهداني
وكانها بالفخر ربعي قد تعدو=بالطناخة من ورا سهيل اليماني
هم هل الظمات يوم الخوف سايد=كم قبيله شانها ذا الوقت شاني
فعلهم معروف يوم الحرب يطرا=ال حازب مابهم شخص(ن)جباني
يشترون الحرب من زود الشجاعه=لابتن بالفعل تمنع كل جاني
حن هل الفزعات لامن صاح صايح=نعتزي ونجيه سرب(ن)من الجناني
ابن حازب كان تطرون الجنابي=واعتزا ثم سل مروية السناني
من بغا يمنع ويقرع شاف غيظه=ملتفت له حازبي ناوي الطعاني
وفالقبايل كلهم ماشفت قاصر=والنعم فيهم عريبين المجاني
واشهدان ماخاب منهو يذكر الله=منزل الانجيل وكتاب القراني
تمت وصلو معي على محمد=مقتدين بسنته انس(ن)وجاني

محمد بن مسفر بن جليد
02-01-2013, 10:39 PM
ارخب يابو ديه صح الله لسانك وعتلى شانك

مسفر آل حيان
03-01-2013, 01:09 AM
صـح لسـانكـ ياولد حزب
وسبعين نعم بربعك ال حازب اهل الظمات المشهودة

نايف ابو ديه
09-01-2013, 05:53 AM
اقتباس:
المشاركة الأصلية كتبت بواسطة محمد بن مسفر بن جليد http://www.qahtaan.com/vb/images/buttons/viewpost.gif (http://www.qahtaan.com/vb/showthread.php?p=787266#post787266)
ارخب يابو ديه صح الله لسانك وعتلى شانك


صح بدنك يابن جليد

لاهنت على المرور

نايف ابو ديه
09-01-2013, 05:54 AM
اقتباس:
المشاركة الأصلية كتبت بواسطة مسفر آل حيان http://www.qahtaan.com/vb/images/buttons/viewpost.gif (http://www.qahtaan.com/vb/showthread.php?p=787275#post787275)
صـح لسـانكـ ياولد حزب
وسبعين نعم بربعك ال حازب اهل الظمات المشهودة




صح بدنك يالقرم
ولاعليكم زود ياربعنا

لاهنت والف شكر على المرور

تقديري

خيال الكحيله
12-01-2013, 02:10 PM
صح السانك
والنعم فيك وفي ربعك

وصادق فيما قلت واللي ما يدري

يسمع المثل القديم على شان يدري بشي مادرابه


؟؟ ماينفع القراع عند ال حازب .... لي نزعوا سلاتها من جفيرها؟؟

الله العالم من القائل ومتى قيل

تقبل مروري