المساعد الشخصي الرقمي

مشاهدة النسخة كاملة : من قريش المصطفى وأبو لهب (( طلال الرشيد ))


حسين العبيدي
05-12-2005, 09:51 PM
يـا صغيّـر مـا يكبرنـي لقـب = ومايصغرني إذا انكرني صغيـر

ما خذينا الصيت من جمع الذهب = ولا نسابة شيخ او قربـة اميـر

كاسبينه من هل السيف الحـدب = الجايز كـان مـا جـاك النذيـر

صيتهم نجم ٍ على رأسـه لهـب = سمعوا الصقهان به واجهر ضرير

بالوفا تاريـخ أبيـض ينتصـب = لا حكوا بالحق حييـن الضميـر

ضيغميـن للسناعيـس انتسـب = لابةٍ طلنـا بهـا عـرش كبيـر

عند حدك يا كثيـر الهـرج تـب = لا تمـر النـار وثيابـك حريـر

كـان لـك عـز بذلـي فتعقـب = والله ألا تبطـي وحبلـك قصيـر

احسبنك مـن صناديـد العـرب = واثر ساترتك عباتك يـا غريـر

ما حسب للسوس زراع القصب = والقراده ما درى عنهـا البعيـر

ولو حسبنا للحسايـف والتعـب = ما بذرنا يـا العصافيـر الشعيـر

عن هللك ابـراي لله واحتسـب = الرجال اللـي مجارهـم عسيـر

من قريش المصطفـى وابولهـب = والدغالب ما غشت عذب الغديـر

للرجال مـن الرجاجيـل العتـب = والزكاة تحل فـي حـال الفقيـر

لعنبـو وقـتٍ غدينابـه حطـب = تحرقـه نـار يثورهـا اجـيـر

ما ألومك والزمن سوى العجـب = هو بقى غير الكرامـه بالجفيـر

ما أذل وراسـي يشـم المهـب = لو بقى من شمـر طفـلٍ غريـر

ما اهـاب ولا يزلزلنـي غضـب = الشجاعـه ورث العاقـل غزيـر

يا صغيـر مـا يكبّـر باللقلـب = غير من هو كان من دونه صغير

محمد الحياني
05-12-2005, 10:53 PM
ارحب اخووووووووووووووووووووي



الغالي راعي السمراء




ماشاء الله عليك اختيار موفق لاهنت يالغالي

الوهابى
06-12-2005, 06:22 PM
ضيغميـن للسناعيـس انتسـب لابةٍ طلنـا بهـا عـرش كبيـر




اختيار موفق وذوق رفيع

حسين العبيدي
03-05-2006, 10:12 PM
هلا والله بالغالين


ومشكورين الشكر الكثير على المرور

وتقبلوا أصدق تحياتي وسلامي .

عوض بن شفلوت المناديه
05-05-2006, 03:56 PM
راعي السمرا



ذوقك عالي جدا والا ما اخترت هذه الرائعه من بين هذا الكم الكبير من الشعر المتداول


لاهنت على هذا النقل الجميل


والحس المرهف


تحياتي

حسين العبيدي
05-05-2006, 08:42 PM
والقايل ما يهون

وتسلم أخوي الغالي عوض بن شفلوت المناديه

وهذا من ذوقك أخوي

وتقبل سلامي وشكري .

محمد الحياني
05-05-2006, 08:55 PM
اخوي الغالي راعي السمراء

ماشاء الله عليك


دائم اختيارك ممتاز وموفق

وفقك الله وكثر الله من امثالك

حسين العبيدي
05-05-2006, 09:08 PM
تسلم أخوي الغالي

فتى الجوه

ومشكور ألف شكر يا أبن لجواد

منذر بن محمد القحطاني
09-05-2006, 06:32 PM
أخي العزيز/ راعي السمراء


أنا اعتبر هذه القصيدة أفضل قصيدة للشاعر الامير / طلال الرشيد رحمه الله ومناسبة هذه القصيدة معروفة



وقالها أبو نواف رحمه الله في احدى امسياته أعتقد أنها في البحرين والشريط في الأسواق وموجود ولكنه



لم يذكر اسماء نهائيا أخلاق عالية وتواضع جم رحمه الله رحمةً واسعه واسمنه فسيح جناته........اللهم آمين.




تحياتي من الاعماق لك

منذر بن محمد القحطاني
09-05-2006, 06:34 PM
عفوا واسكنه.......سقطت سهوا

حسين العبيدي
11-05-2006, 11:16 PM
مشكور أخوي منذر بن محمد القحطاني

على مرورك

والله لا يهينك

ونسال الله ان يرحمنا ويرحم جميع المسلمين

أعطاك العافيه .

وتد
20-05-2006, 05:56 PM
رحمة الله عليه
ويقال أيضا هذه القصيدة كانت وراء مقتله والله العالم

عاشق البدو
20-05-2006, 08:07 PM
شكراً لك اخي الكريم على هذا المشاركة

حسين العبيدي
24-05-2006, 10:20 PM
مشكورين على المرور

وما قصرتوا

وتقبلوا تحياتي