يالله اني طالبك حمر هوا بالي للشاعرمحسن بن منيجل الفهري القحطاني؟؟

[وتد]

السلام عليكم ورحمة الله وبركاته
يعلم الله كلما شفت الابل تذكرت قصيدة يالله اني طالبك حمر هوا بالي
هل هذه القصيدة للشاعر المرحوم محسن الفهري أبو الشاعر سياف؟
وتكفون اللي يعرفها كاملة يذكرها لنا وله الشكر

[سلطان العبيدي]

استلم هذي المواضيع

لشاعر محسين بن منيجل
http://www.qahtaan.com/vb/showthread.php?t=6799

http://www.qahtaan.com/vb/showthread.php?t=4971

http://www.qahtaan.com/vb/showthread.php?t=2484

وان شاء الله تلقى القصيده اللى تبيها

[وتد]

اخوي سلطان بيض الله وجهك ياسرع ما جاوبت

عندي كتاب الشاعر سياف بن محسن مناهل البادية الجزء الأول بس القصيدة ماهي فيه
ان شاء الله أجدها على الروابط
بارك الله فيك ياصبي عبيدة

[فارس قحطان]

السلام عليكم ورحمة الله وبركاته

اخوي وتد القصيده للشاعر فراج ابن ريفه

ابحث عنها في الموقع وسوف تجدها

[محمد الحياني]

وفقكم الله ياللي ترفعون الراس


انت يا وتد واخوي سلطان


هذا يسال وهذا يجاوب لاهنتواااااااااااااااااااا ياعيال العود

[سلطان العبيدي]

وتد القصيده طلعت لفراج بن ريفه

واستلم روابط مواضيعه نفدا خشمك

http://www.qahtaan.com/vb/showthread.php?t=892
http://www.qahtaan.com/vb/showthread.php?t=386
http://www.qahtaan.com/vb/showthread.php?t=6881
http://www.qahtaan.com/vb/showthread.php?t=3982
http://www.qahtaan.com/vb/showthread.php?t=913
http://www.qahtaan.com/vb/showthread.php?t=89
http://www.qahtaan.com/vb/showthread.php?t=328
http://www.qahtaan.com/vb/showthread.php?t=88

والقصيدة اسمها المقناص وحطيت لك الروابط لكل مواضيع فراج بن ريفة علشان تستفيد انت وباقي الاعضاء

[سليمان القحطاني]

شكراً لك اخي الكريم على هذا المشاركة

[آل معمر]

الأخ وتد :


هذه القصيدة للشاعر الكبير فراج بن ريفه الفهري العبيدي القحطاني :

أرجو قراءتها والشكر موصول للأخ سلطان على جهوده


قال بن ريفه بدا في مرقب عالي=حل المراقيب تومي به هبايـبها

ما يدهله كون صافي الرش والوالي =ولا الولع يوم يفنك في عجايبها

هيضني الرجم وأنا من اول سالـي =لهم على القلب ديران شطـيت بها

يا مرقب جاك من الأمطار همالــي =نصوب صيف من المنشي يهـل بها

لهم علينا شدوق الثفن لا سالي =وعطفة طريب الي زافت جوانــبها

لما غدا الفيض كنه زرع عمالـي =سيله من القدم للبطنان ناهــبها

كم مرة قد نزلنا عشبه المالـي =ببيوتنا اللي وزا المجرم يلــوذ بها

نبني بيوت بعراف وجهـالي =وأن جاء النذر من حفيف ما نرهــبها

بعوال مفلح وهم حماية التالــي =بمحول صلفات عطيبات ضرايبــها

صبيان قومي تحل المنجم الخالي =كسابه المدح حماية ركايـبها

ربعي عبيدة وأنا من حربهم جالـي =هل صبحه في الضحى تشعى كـسايبها

ونشد عبيدة هل الغالات من حالــي =ونشد لجانيب يوم إنا نقـاربها

من هو يقلط على فرش وفنجالي =سعد بن عمه الي من جاء مكاربها

لما غدا بين نقاض وفتالـي = وصفوا لاجانيب واذوه بطلايــبها

عديتهم ثم نسفت أبهم على الجالـي =نسف الدلي للمعدي صوب جاذبها

عسى هل الشين ما يبقى لهم تالي =وهل اسلوك الردي يارب تذهـبها

ولي جليل وللشطات حمالـي =أرفع نواصيه يا ربي وقطـــبها

أنا من الخبرة ألي شورهم عالــي =واما هل البخل بامر الله نجـــنبها

يا راكب من على اللي مشيها ارمالي =مأمونة يرفع الهلان غــاربها

تزها السفايف وتزها الخرج وحباــي =ومجرب لا سري في الليل صالـبها

حي الطويلة وحي اللي شراهالي =من واحد جابها في السوق جالــبها

شريتها في الدهر يوم ارخص الغالــي =بمية وخمسين ما يمهل يغايـــبها

حديدها واذكر الله كنه ريالـي =وكن الحيايا تطارد في مقاضـبها

بنة غرها زباد عند دلالـي =ولا طموح هواها من يلاعـــبها

واضرب بها الوعل لمنه تهيا لي =أبو حنية كبير الراس شايبها

لا ثار بارودها الي العود متالـي =منها الريايا مقطعة نشــايبها

واطمر بها عند ربعي ومنع التالـــــي =لا هاب ولد الردي معاد يزهــبها

والي لفانا من المقناص زعالـي =أحد مدح بندقه والي يعـذر بها

بشرتهم بالغداء من عقب مقيالــي =والفايدة من مرد الكوع ضــاربها

واسرح بها في السحر مانيب كسالـي =وكم سرحة فرقت منها ربايـبها

يا الله وأنا طالبك عطني هو بالـي =حمراء من الجيش طفاح جنايبها

لا روح الجيش حادية اشهب اللالي =ليهي تورد وسيع صدر راكبها

اللي على كورها ولي بالحبالي =واحد على عيزها والي بغاربها

لروحت مع تخاتيخ الخلا الخالي =كأن الذيابة تنهش من جــنايبها

فاستغفر الله اللي فوقنا عالي =حطيت في حفرة رزو نصايبها

[وتد]

اخواني الكرام سلطان العبيدي وفارس قحطان وفتى الجوة وآل معمر وسليمان القحطاني أشكركم جميعا على مداخلاتكم
قصيدة مميزة شاعرها فراج بن ريفة رحمه الله
بارك الله فيك أخوي فارس قحطان على تصحيح معلوماتي حول الشاعر