صبرك على الدنيا وصبرك على الناس

[صالح بن عون آل حازب]

صلوا على النبي
ياقـلـب يـالـي فـيــك مـثــل اللـواهـيـب
صبرك على الدنيا وصبرك على الناس

دنــيــاً دنــيــه مــاوراهـــا مـكـاسـيــب
حتـى الغنـاوي فيـه تـحـري بـالافـلاس

الـيــا دنـــا يـومــه وجـتــه المكـاتـيـب
وصـلــوا عـلـيـه مخلسـيـنـه تـخــلاس

ماينفعـه غيـر الدعـى فـي ظهـر غـيـب
والا عـمـلـه الـلــي تـقـيـس بمـقـيـاس

او ذكــره الطـيـب لـيـا ذكــر بالـطـيـب
يكسـب مـع اهـل العـز عــز ونـومـاس

يـاخــذ مـواجـيـب ويـعـطـي مـواجـيـب
وعلـومـه العلـيـا عـلـى كـــل نـبــراس

عـــز الـرفـيــق ومـكـســب للـجـانـيـب
سـعـد لـبـن عـمـه عـلـى كــل مقـبـاس

هــذا الــذي يلـقـى جـمـيـع المطـالـيـب
واليـا ذكـر قالـوا علـى العيـن والـراس

والخـايـب الـلـي كــل مايكـبـر يـخـيـب
ماله مع اهـل الطيـب قومـه ومجـلاس

مجالـسـه تجـلـب لــه الـشـك والـريـب
مابيـن عـود وبيـن شيـشـه ومــرواس

واشكالـهـم كنـهـا الـبـنـات الرعـابـيـب
وهـــذا لـــه الاكـــه وهــــذاك بــــلاس

ومن عقب ماكان الفخر فـي الاشانيـب
صارت في تال الوقت تحلق بالامواس

وقـت ٍ تغـيـر واختـلـف يـاهـل الطـيـب
مـاعــاد لـــه لـــذه ولا لـــه تـحـمــاس

ابــوي دربـنـي عـلـى الطـيـب تـدريـب
ياجـعـل ماياتـيـه طــول الـمــدا بـــاس

وعطـتـنـي الـدنـيـا دروس وتـجـاريـب
ولا جهلـت ان الرجـاء خيـر م الـيـاس

ولـو جـار بـي وقتـي وقلـوا لصاحيـب
مــا والله احـنـي للمخالـيـق ذا الــراس

اظهر على المرقاب واقنب كمـا الذيـب
واصبر على الدنيـا لـو القلـب حسـاس

ومـالـي ومـــال امـدوريــن الـعـذاريـب
اهــل الحقـايـد والحـسـد والـتـدحـلاس

اصــد عنـهـم وابتـعـد عـمــد واغـيــب
واتخامل اللي يضـرب الضلـع بالفـاس

نـاس ٍ عـلـى الدنـيـا تـغـث المشـاريـب
واجناسهم ماتنحسب ضمـن الاجنـاس

[عاشق الوطن]

صح لسانك

اعجبتني كثير من مقاطع القصيده

وبالاخص

ومن عقب ماكان الفخر فـي الاشانيـب
صارت في تال الوقت تحلق بالامواس

وقـت ٍ تغـيـر واختـلـف يـاهـل الطـيـب
مـاعــاد لـــه لـــذه ولا لـــه تـحـمــاس

ابــوي دربـنـي عـلـى الطـيـب تـدريـب
ياجـعـل ماياتـيـه طــول الـمــدا بـــاس

وعطـتـنـي الـدنـيـا دروس وتـجـاريـب
ولا جهلـت ان الرجـاء خيـر م الـيـاس

[عاشق البدو]

صح لسانك وبيض وجهك قصيده جزله

[حمدالمقهوي]

ومن عقب ماكان الفخر فـي الاشانيـب
0000000000صارت في تال الوقت تحلق بالامواس

وقـت ٍ تغـيـر واختـلـف يـاهـل الطـيـب
0000000000مـاعــاد لـــه لـــذه ولا لـــه تـحـمــاس

ابــوي دربـنـي عـلـى الطـيـب تـدريـب
0000000000ياجـعـل ماياتـيـه طــول الـمــدا بـــاس

وعطـتـنـي الـدنـيـا دروس وتـجـاريـب
0000000000ولا جهلـت ان الرجـاء خيـر م الـيـاس


اخوي صالح/ صح لسانك
تقبل مروري

[محمد بن مسفر بن جليد]

صح لسانك وبيض وجهك قصيده جزله

[صالح بن عون آل حازب]

صح الله بدنكم جميييع

ويشرفني مروركم

لاهنتوا

[فهد حمد الحبابي]

صح لسانك يالحـازبي والله كفو ملايين

[صالح ابو مريحة البشري]

صح الله لسانك وكفاك شر الاشرار يا سمي وبيض الله وجهك