المساعد الشخصي الرقمي

مشاهدة النسخة كاملة : مراسلة بين الشاعر مسند مازن المطيري والشاعر جبران على القحطاني


اباليلى
30-08-2012, 02:29 AM
يقول مسند المطيري :


اقفت علينا سود الايام عجلات=اقفت وهيّ بعمرنا مسرعاتي

راحوا رجال المعرفة والمهمات=أهل الكرم ومطوعين العصاتي

واللي بعدهم ما يعرفون الاوقات=جيلً يهجول ما يعرف المباتي

اللي على الجوال واللي على الشات=وعاداتهم في سلة المهملاتي

في مجلس العادات يبقى مع الذات=ما يستفيد وراح فكره شتاتي

مشغول بالببي ويقرا الرسالات =مشغول لو أنه كثير السكاتي

شغل بليا فايدة كل الاوقات=عزي الجيلً دمروه العداتي

غزوً لفانا من بعيد المسافات=ما عاد يسلم منه حتى الرعاتي

ليت الشباب يحط ف الجيش دورات=مع بدلة الميدان يلبس جواتي

خدمة وطن لو هي بليا معاشات=ويصير من دون الوطن للغزاتي

تدريب في الصحراء وبعد المسافات=ومن البطولة يا خذون الصفاتي

يبعد عن الشارع وقرب البقالات =واللبس عقب الشين زين الحلاتي

هذي ملخص قلتها جملة أبيات=في مجتمعنا شفت متغيراتي

ونختم على سيد البشر بالصلوات=اللي على دينه جميع اللغاتي



مجارات الشاعر جبران القحطاني :


مسند علينا ساق جزلات الابيات=تطري على حتى وأنا في صلاتي

عن ما يشاهد في البشر من علامات=وخص الشباب اللي غزوه العداتي

باللبس والتقليد وأنواع قصات=اذكور والاشكال كنهم بناتي

وأن جيت ف المجلس بتزعجك الاصوات=برسايل مستقّبله رايحاتي

أحد على الجوال مشغول بسكات=وأحد سواليفه غثا مزعجاتي

واللي تبا سوالفة ذربة مات=قد له يا مسند حول عشر اسنواتي

ولا باقي إلا عاشقين القنوات=ولا علاهم يالمطير حلاتي

جيلً عسى ماني عليهم بشمات=جيلً فسد ولا أبوانه دهاتي

وجدودهم أهل سلوم وبطولات=من الشمال إليا حدود السراتي

والرابح اللي مات ماله سلالات=ولا وراه من الذراري عصاتي

بعض الذراري ما تجي غير با هات=ضغط وسكر وسبعت الموبقاتي

واش عاد لو جابوا فلوس وشهادات=أخير منهم عشر معزاء وشاتي

شلاش العاطفي
31-08-2012, 05:26 AM
صح السنتهم وابدانهم , مراسلة رائعة بين الشاعرين

لاهنت ياابو ليلى والله يعطيك العافيه