اكبر خطا لو ماتسامحنا

[سعيد آل فارع]

تسامح ولااتبادل الشين بالشين
خله يولي وانت ريح دماغك

والعوده اللي نوعها طيب وزين
احرص عليها وافرد الها شماغك






لااتقول انا جاني وانا جاني
ريح من اعلومك وريحنا
الكل منا اخطا على الثاني
واكبر خطا لو ماتسامحنا
الطيب يبقى والعمر فاني
خايف نموت وماتبايحنا
الهرج لو يوزن بميزاني
ماكان يزعلنا و يجرحنا
ياكم عرفنا افلان وفلاني
وعلى الوفا روح وحن رحنا
نبني الصداقه فوق سيساني
ماهيب تبنى من مصالحنا
اتلفنا دورات الازماني
وتبقى ملامحنا ملامحنا
خيرة فعول اطوال الايماني
موجودةٍ باول لوايحنا
لو ان ثمنها فوق الاثماني
ماتنقصر عنها مطامحنا

[أبو معتز]

الشاعر سعيد ال فارع صح لسانك مبدع كعادتك الله يوفقك

تحياتي وتقديري

[مبآركـ،]

صح السآنك يآ سعيد ..

بيض الله وجهك وجعل من جآبك في الجنه ..
والله يكثر من الاجوآد أمثالك ..

تقديري وأحترآمي

[غلاب الحبابي]

يعطيك الف عافيه على الطرح

اخوك //غلاب الحبابي