إلـــى من يهمه الأمـــــــر

[معيض بن دشن]

الله من همٍ تضايق به الجاش = همٍ له اشهور مكدر عليه
مرٍ يمسيني ومرات مغباش = يطعن طعون الخنجر الحضرميه
من وقتي اللي بيني وبينه اهواش = وقت عنيد كل صبح وعشيه
من شوكة ماناشها كل نقاش = ون طابت الكيه لحقها بكيه
الكيل طافح ولا انا ماني بلاش = ابوي قبل يموت وصى وصيه
من لا حمى في لابته جعله اكلاش= يثور في راسه ويصبح ضحيه
ياللي ورا الطاقه تغطيت بقماش = ودس راسك بين هذي وذيه
اللي بديت الهرج وعاظامك اهشاش = مالك مفرٍ والليالي مديه
من لا عرف قدرالرجاجيل ما عاش = اللي يدور للجفى والخطيه
يضحك بسن وقلبه اسود وغشاش = واثر البلا والسم في ناب حيه
اللي هرج له هرجة قالها لاش = يشذب عراقيب الرجال الوفيه
ولا حده الميقاف ياسرع مانحاش = وعند الصحن ياسرع مقرب مجيه
بهيمة مخلوقة بس تعتاش= يومي براس مثل راس المطيه
يستاهل الشباب من خشم رشاش = اللي يدور للعلوم الرديه
خذها على الحجان ماعاد منهاش=يوم انت لا نافع ونيتك نيه
لا تحسب إن المرجله ذبح الادباش= المرجله في الرجل دين وحميه
ودون ابن عمي جاك مردودنا كاش = يوم انت ما تسوى مواطي إحذيه
هذا الرفيق الوافي الشيخ حناش = ذخر لربعه دامت الشمس حيه
المرجله عشقه وللطيب حواش = وصيته تعلا واعتلا الجاذبيه
صليب راس وفي المواقيف شواش = عنده فراسة عرف لا جا قضيه
حكيم رآي وقلبه أبيض من الشاش = يبدا به إليا سيقت الشاذليه
والله يصبرني مثل صبر هباش = عساه في الفردوس يلقى نبيه
وصلوا عدد ما هل من مزن ورِشاش = على النبي المختار خير البريه

[راكان القحطاني]

صح لسانك يالذيب

[أبو معتز]

الله الله صح لسانك يا شاعرنا معبره جدا وراقت لي

تقبل تحياتي وتقديري واعجابي واعتزازي بك

[سيف عبيدة]

صح لسانك واعتلا شانك ..

وابيض وجه موقفك رائع .. وكلامك جزل ..

ابيات تعبر عن حميتك النادره..

تحياتي من القلب (يشهد الله إنها من القلب)..

[أبو صقر]

صح لسانك ملاييييييين وقصيده وافيه وفي الصميم لك تحياتي

[غلاب الحبابي]

صح لسانك يامعيض بن دشن

قصيده رائعه يعطيك الف عافيه

اخوك// غلاب الحبابي