المساعد الشخصي الرقمي

مشاهدة النسخة كاملة : جديد العيد


أبو معتز
21-08-2012, 02:45 AM
ابيات للتواصل


اه يا دمعً قهرته وعيا ما انقهر = دمعتينً منه طاحت ودمعه حايره

واه من حر المواجع ومن ليل السهر =والهموم اللي في صدري جيوشً غايره

هذا حالي قد لي ايام واسبوع وشهر = ومن نشدني قلت يالربع مابه بايره

والسبب ودي اقوله ولا قلته ظهر = السبب من بعض الاصحاب كبدي فايره

بعد ما شفت القطيعه وطعنً في الظهر= وكذبةً اعرف هدفها لا مرت طايره

واعرف ان اللي كذبها كذبها من قهر= واحدن اسمه من العام حوله دايره

والا انا حقي خذيته على غيري جهر = ومن بغى حقي لطمته ماني باعايره

ولاذكرت اني عبيدي وصبيان الفهر = عزوتي هانت في عيني لامور الجايره

لعنبو من يرخي الراس لامنه شهر = الرجل طيبه وعزه مافيه مخايره

كلمته منها رعى العرف لاسمع انبهر= طلقةً من حلق فرخً تسوق وثايره

والصحيح اهم دمعً في عيني ما انقهر = دمعةً من خشية الله في عيني حايره
وسلامتك جميع وكل عام وانتم بخير

ابو سلطان العبيدي
21-08-2012, 04:00 AM
اررررررحب يبو معتز

وكل وانت بخير يالامير

وصح لسانك

تقبل مرور اخوك

خيال الكحيله
21-08-2012, 01:44 PM
ابو معتز

صح السانك قصيده وافيه ومن وافي

وكل عام وانت طيب تقبل مروري

ولك تحياتي

أبو معتز
24-08-2012, 12:28 AM
لاهنت يا ابو سلطان على المرور . تحياتي وتقديري يالغالي

سيف عبيدة
24-08-2012, 01:17 AM
ابيات للتواصل



والا انا حقي خذيته على غيري جهر = ومن بغى حقي لطمته ماني باعايره

ولاذكرت اني عبيدي وصبيان الفهر = عزوتي هانت في عيني لامور الجايره

لعنبو من يرخي الراس لامنه شهر = الرجل طيبه وعزه مافيه مخايره


وسلامتكم جميع وكل عام وانتم بخير



كل عاام وانت بخير..

وسبعين نعم ياعوال مفلح..

صح لسانك..ابيات جزله..اطربتنا بها جميع..

تحيااتي..

راكان القحطاني
24-08-2012, 09:39 AM
صح لسانك واعتلى شأنك

شلاش العاطفي
24-08-2012, 07:32 PM
صح لسانك واعتلى شانك ياالجزل
تقديرري و احترررامي ياابو معتز
اخوك العاااطفي

غلاب الحبابي
27-08-2012, 02:05 PM
صح لسان قايلها والله لايهينك

يابو معتز على الطرح الرائع

أبو معتز
30-08-2012, 01:26 AM
راكان صح بدنك . تحياتي وتقديري

حسن بن حوبان
08-09-2012, 10:00 PM
كفو وصح السانك ولاهي غريبه عليكم والطايلات تعرف اهلها

ذيب العبيدي
19-09-2012, 08:47 PM
ابو معتز
بيض الله وجهك جزل واعتدنا منك الجزاله
باذخه خطة بماء الذهب
ما اقول الا لا فض فوك يالغالي


تحياااااتيلك
العبيدي

محمد بن مسفر بن جليد
20-09-2012, 11:52 PM
اررررررحب يبو معتز

وكل وانت بخير يالامير

وصح لسانك

تقبل مرور اخوك