المساعد الشخصي الرقمي

مشاهدة النسخة كاملة : بذّتني الدنيا وانا باقي اصغيّر ( الطرق الهلالي )


صالح حسن الكيرعاني
20-07-2012, 03:45 PM
شرّفت فوق اللي صعيبه مراقيها=مبريّةٍ وكر المقرنس بعاليها
هيّضني المرقب مع حزّة الضحى=على البيوت اللي تشوّق معانيها
بذّتني الدنيا وانا باقي اصغيّر=كيف السواة اليا كبرت ابتواليها
مافيه مخلوقٍ من اسهومها سالم=اتصيب حتّى من تجنّب مغازيها
بصبر على ماقدّر الواحد الصمد=عسى يعوض الصابرين ابرجاويها
ياسامعٍ قولي تمعّن نصايحي=اللي كثيرات التجارب مغذّيها
لا تشكي اهمومك على الناس كلّها=الناس فيها دايمٍ مايكفّيها
الاّ على شخصٍ يحس ابمواجيعك=مَشاعرك من طيب قلبه يداريها
ولاتعاشر الحُسّاد لو هم قرايبك=وش لك بقومٍ هافياتٍ مناويها
اقلوبهم لا جاك فضلٍ من الولي=اتقول كن حُمر المياسم تكوّيها
والحِسْد ساسه قِلّة الدين والحيله=راعيه كنّه فوق ضوٍ يصاليها
بع كل خلاّن الرخا بوّل السومه=وامهل على متورطٍ طامعٍ فيها
واشتر مخاوة الرجال الشقرديّه=لو سُقت راس المال من شان تشريها
اطرفهم اللي منوته ينفع اصحابه=دايم على ملزوم حاله يبدّيها
ماحسّب اللي قد مضى من جمايله=نفسه على فعل الجمايل مضرّيها
ولاتثمّن الرجّال قبلٍ تِجرّبه=حتى ولو تقرا بوجهه مواريها
تم الكلام اللي قدح من قريحتي=يوم اعتليت اللي صعيبه مراقيها
ختمانها صلّو على خاتم الرسل=عدّ المزون المقبله من مناشيها

شعر / صالح بن حسن الكيرعاني القحطاني

أبو معتز
21-07-2012, 05:11 PM
صالح صح لسانك ولاهنت وعوايدك الجزاله في الشعر والكلام الثمر

تحياي وتقديري

ناصر آل جمان
28-07-2012, 01:10 AM
صح الله لسانك اخوي صالح

جميل ما تقدمه لنا ريشة ابداعك

سجلني احد متابعينك وشكرا

حسين معدي
21-07-2014, 02:06 PM
صح الله لسانك يا بو حسن