فالوطن مايستحق العيش الا

[ناصر آل جمان]

من هنا تبداحروف اشعارنا تاقف مكاني
في شعور احساس شاعر فالمشاعرعن قبيله
من طريب العز نلقيها على سمع الزماني
لين تبقى مع تعاقب وقتنا كلمه جزيله
يحفظك ربي ملكنا والوطن بأمن و أماني****
صقرنا ظلل جناحه شعب جارٍ ينتخي له
عاش سلمان الوفا للعهد وجيوش التفاني
قائد في حكمة الفريس و اليمنا طويله
عشت ي احمدفي وزارة الأمن تحمي للكياني
العيون الساهره دون الحرم واللي يجيله
وعاش منهو في كنف نايف تربى واستعاني
شبل نايف قد تحزم للظفر ثم الجميله
يرحم الله من كلامه فالقلوب وفالاذاني
فالوطن مايستحق العيش من لاينتمي له
يا وطنا عشت فخر اسلامنا قاصي وداني
دونك أحرار المواقف تدحم اعقولا دخيله
يامجره في سما الأوطان حظيت باتزاني
لا افتقدنا غياب نجمٍ يطلع الثاني بديله
يسكن الله سيدي نايف بساتين الجناني
لو تألا عابد الشهوات ياربي تزيله
يالله اني طالبك روح القدس تييد لساني
صارمٍ مسلول يحلق شعر من عادى الفضيله
الجنون يسوق الاعداء من تحت جنح الأماني
من طمعهم فالنخيل انساهم سيوفه صقيله
كلنا رهن****الاشارة سور دار ما تهاني
عزالله قبلةٍ للعالم ودعوة خليله
العمايم سودٍ فضلا عن قلوب الران راني
مع عداوة دين تنبض بالحسد دم وفصيله
في صروح المجد ما هو يستوي هادم وباني
وفي لباس الدين تحيا قلوب وتموت الرذيله
يا وطنا عشت فخر اسلامنا قاصي وداني
والقبائل دون حدك كلها روح وقبيله

شعر/ ناصر آل جمان
12/8/1433

[ذيب نطوان]

صح لسان ناصر وكلام في محله لا فض فوك

[أبو معتز]

يرحم الله من كلامه فالقلوب وفالاذاني
فالوطن مايستحق العيش من لاينتمي له

أمين وصح لسانك يا ناصر وبيض الله وجهك
تقبل تقديري

[سلطانـ قحطانـ]

صح لسانك اخوي ناصر
قصيده وافيه وجزله وبيض الله وجهك

[السارق المزاح]

يرحم الله من كلامه فالقلوب وفالاذاني
فالوطن مايستحق العيش من لاينتمي له

آمين الله يرحمه رحمة الأبرار

صح لسانك ياناصر

[ناصر آل جمان]

صح بدنك وأخوي الذئب
ولاهنت

[ناصر آل جمان]

يرحم الله من كلامه فالقلوب وفالاذاني
فالوطن مايستحق العيش من لاينتمي له

أمين وصح لسانك يا ناصر وبيض الله وجهك
تقبل تقديري

صح بدنك اخوي محمد
ووجهك ابيض
وتحياتي وعلى المحبه نلتقي

[مبآركـ،]

في صروح المجد ما هو يستوي هادم وباني
................وفي لباس الدين تحيا قلوب وتموت الرذيله

صح السانك يا ناصر ولاهنت ...

تقديري وأحترآمي

[أحمد حنّان]

صح لسانك وعلا شانك قصيده لوطننا الغالي تتحق الثناء
ومعاني تحصد المجد وترفرف به عاليا
لك شكري وتقديري

[محمد بن مسفر بن جليد]

صح لسانك اخوي ناصر
قصيده وافيه وجزله وبيض الله وجهك

[غلاب الحبابي]

صح لسان قايل القصيده

ويعطيك الف عافي على التنزيل