رحنا وجينا وانت ما طرت ياطير .للشاعر خليل بن هدلان

[علي بن مسفرالحبابي]

رحنا وجينا وانت ما طرت ياطير = لو كان منزالك على راس عالي

اعط الرجال حقوقها دون تقصير = والا لا تاقف في طريق الرجالي

تلحقك شرهات الوجيه المسافير = ويرخص مقامك بعد ما كنت غالي

الحمل خله دامه اثقل من النير = ويجيه شيّال الحمول الثقالي

اللي على الفزعه تسوقه سعاطير = ويفزع مع النايد وكنه موالي

راع المواقف بالليال المعاسير = ضلعٍ يزبن من حدته الليالي

شيخٍ يرحب لا لفوه المناعير = على الشحم ومصوبرات الدلالي

وقد قيل لا مالت عليك المقادير = جالٍ يعنز لك وجالٍ هيالي

الشاعر خليل بن هدلان

[ابراهيم آل بي حبيب الرفيدي]

صح الله لسان الشاعر خليل ابن هدلان

مبدع كالعاده


وانت يابو علي تتحفتا دائما بالروائع



لك اغلى التحايا