المساعد الشخصي الرقمي

مشاهدة النسخة كاملة : ازمة رجاجيل


شبل قحطان
09-11-2004, 06:01 AM
ازمة رجاجيل
أخواني الاعزاء اقدم لكم هذه القصيده القصد منها تحذير بعض الشباب من تقليد الغرب وترك عادات تقاليد مجتمعنا المسلم والحقيقه الشباب فيهم الخير ولكن يوجد بعض الملاحظات وحاولت أن ألفت نظرهم في
هذه العادات التي لاتليق بالشاب المسلم أمل أن تحوز على رضاكم اذا لم تنال أستحسانكم لكم تحياتي
ملاحظه ( أنا ضد التعميم وأقول البعض) وهم قله جداً



ياالله طلبتك فـي حياتـي تساهيـل
والصبر لامن طـال ماحـدّ يطيقـه
صحيح في هاالوقت فٍ ازمة رجاجيل
حقيـقـة يامـدوريـن الحقيـقـه
ويـن الرجـال الاوليـن الحلاحيـل
الـي صداقتهـم صداقـه وثيـقـه
الي مجالسهـم ضحـوك وتعاليـل
أهل الكرم وأهـل الوجيـه الطليقـه
فرسان لاركبو علـى سبـق الخيـل
ويومٍ ولد الـلاش يشـرق بريقـه
بعص الشباب اليوم شبه المهابيـل
والبعض منهم تايهـاً فـي طريقـه
أقصد بما أقوله بعض من هذا الجيل
اللي خسـاره فيـه حتـى العقيقـه
أنابوصفهـم وصــوفٍ بتقلـيـل
مانـي موصفهـم وصـوفٍ دقيقـه
خلوا الثيـاب ويلبسـون البناطيـل
وكلٍ معه جـوال يضـرب مسيقـه
ور سائل الجـوال فيهـا التهاويـل
وكلماتهـا لاشـك ماهـي مليـقـه
وتلقى سوالفهم من القـال والقيـل
ثـم النميمـه متخذهـا عشيـقـه
وميعادهم معـروف لاهـود الليـل
على الرصيـف مقابليـن الحديقـه
يبغون كافي شـوب لابـن لاهيـل
وبالهمبرجر في العصر فـك ريقـه
مايشرب القهـوه وشـراب ككتيـل
ومسبـب لآبـوه هــمٍ وضيـقـه
لوتسأله وشهو الجدي وشهو أسهيل
يقول يمكن تخلـط أمـع السليقـه
هيـاكـل عظمـيـةٍ كالتمـاثـيـل
وكـل يقلـد يـوم يمشـي رفيقـه
لايسري الغـدرا ولايقطـع السيـل
ولاهو بادي فـي الطـوال المويقـه
تكفـون ياشبابنـا شـدوا الحيـل
واجـب نراقبكـم رقابـه لصيـقـه
وأن ما سمعتوا نصحنـا والآقاويـل
روحوا ولانـي قائـلٍ فـي حريقـه

ابن عاصم
09-11-2004, 06:53 AM
لو تساله وشهو الجدي وشهو سهيل

يقول يمكن تخلط امع السليقه

صح لسااااااااااااااانك ياشبل قصيده هادفه بس سوالي هل القصيده لك ام منقوله لانك لم تذكر اسم

والله يصلح الشباب اللي كذاااااااا اااااااااااااااااااااااااامين

اخوك ابن عااااااااااااااااااااااااااااصم

خالد آل مطرف العاطفي
09-11-2004, 07:50 AM
خلـوا الثيـاب ويلبسـون البناطيـل
وكلٍ معه جـوال يضـرب مسيقـه
ور سائـل الجـوال فيهـا التهاويـل
وكلماتهـا لاشـك مـاهـي مليـقـه

صح لسانك ياشبل قحطان ..صح لسانك ياالشبل ..

الله يهدي ذا الشباب بعضهم من لبسه تحسبنه اجنبي ..

اخوك
خالد

شبل قحطان
21-03-2005, 03:19 AM
صح بدنك اخوي ابن عااااصم ويشرفني مرورك
اما من ناحيه سوااالك فلا والله القصيده طال عمرك ماهيب لي وبصرااحه مااعرف اسم شاااعرها

صح بدنك ومشكووووور اخوي خالد على المرور ووالله انك صااادق ماعاد صرنا نفرق بينهم

السيف النادر
21-03-2005, 09:31 AM
صح لساااان الشاااعر وسلمت يمينك يا شبل قحطااان

قصيدة هااادفة ، ولكن لا حياة لمن تنادي

الله يهدي بعض شباب المسلمين ولا الله ينزع ارواحهم

تقبل تحياات
اخوك
السيف النادر

ملحف الرفيدي
21-03-2005, 09:33 PM
لا هنت يا شبل قحطان على القصيدة

شبل قحطان
21-03-2005, 09:33 PM
شرفني مرورك اخوي السيف النااادر

هاوي نجد
21-03-2005, 10:05 PM
يالشبل ارحب مليووووووووون

ولاهنت على طرحك الرائع يا كحيلان

بصراحه كل مواضيعك مميزه كل موضوع افضل من الثاني

وهذا من طيبك يا لجزل

تقبل تحيات اخوك

ابوملاك
21-03-2005, 10:45 PM
لاهنت ياشبل قحطان على القصيدة وبيض الله وجهك .

شبل قحطان
22-03-2005, 01:26 AM
ولاانت اخووووووووي ملحف وشرفني مرورك

ارررررررحب ياااخوي هااوي وهذا من طيبك ياالقرم

الله يحييك يابوملاك واسعدني مرورك

أبو أنس
23-03-2005, 02:34 AM
صح الله لسانك يالشبل


أخوك أبو أنس

مسفر الفهري
04-04-2005, 09:52 PM
الشبل

لاهنت

والله يهدي شباب المسلمين

والله لا ينزع هويتنا وعاداتنا وحنا في وقت يخوف

خصوصا في عصر الفضاء المفتوح لابد من التكاتف والتناصح

وان شاء الله العود يعود لأصله