(( أبشتكيـلـك يــا بـحـر ))

[شبل قحطان]

(( أبشتكيـلـك يــا بـحـر ))


أبشتكيلك يا بحـر مـر شكـواي
وإن كنت صادق ردلي ما شكيتـه
أبشتكي همي و حزنـي وبلـواي
وإن جف دمعي من عيونك سقيتـه
أبشتكي مـري وظيمـي ودنيـاي
وجرحٍ كبيرٍ فـي حياتـي خفيتـه
ودي أحطم ما بقى داخـل حشـاي
ودي أغرق داخلـك مـن هويتـه
تعبت أنا أبحث عن حياتي ومرساي
ودي أجازي من طعنـي وجفيتـه
أبشتكيلـك يـا بحـر وينـه دواي
صمتك ذبحني...ليه عطفك محيتـه
يا بحري اللي ما تحرك لرجـواي
خلي بعيونك جرحي اللي عانيتـه
إن زارك اللي يدعي حب عينـاي
إكسر خفوقه...ضمه للـي حويتـه
لو هو صدوقٍ يرتجي منك رضاي
خذه بطريقك يابحـر لـو تميتـه
حيثه أنانـي حـاول يهـد مبـداي
حيثه رخيصٍ وإندفعـت وشريتـه
مير القضيه طولت ليـل مسـراي
حتى بعيوني عذر موتـي قريتـه
إحلف تهينه لو رمالـك خطايـاي
إحلف تذله...بقدر مانـي حميتـه

[خالد آل مطرف العاطفي]

أبشتكي همي و حزنـي وبلـواي
وإن جف دمعي من عيونك سقيتـه
صح لسانك صح لسانك ياشبل قحطان صح لسانك
الله يعطيك العافيه ولا يهينك ..رائع ايها الشبل

اخوك
خالد

[محمد بن شديد]

الله الله صح الله لسانك ووجدانك لاهنت



لاهنت قصيده جزله من جزله تقبل التحيه

[شبل قحطان]

صح بدنك اخوي اخوي خااالد ومشكووور على المرور

صح بدنك اخوي محمد ويشرفني مرورك

[السيف النادر]

لاهنت ياشبل قحطااان على هذه القصيدة

قصيدة راائعة والأروع انها من من يد شبل قحطان

لكن ياليت تذكر اسم الشااعر ...

اخوك
السيف النادر

[شبل قحطان]

اخوووووي السيف الناادر اسعدني مرورك

وبصراااحه اسم الشاااعر مااعرفه وليت من يعرف اسم شاعر القصيده يعلمنا

[هاوي نجد]

ارحب يا شبل قحطان

قصيدة رائعه رائعه في قمة الروعه

ولاهنت يا الشبل على اختيارك الموفق

مشكور جزيل الشكر وخالص التقدير،،،

[شبل قحطان]

ارررررررحب اخوي هاااوي نجد ويشرفني مرورك