المساعد الشخصي الرقمي

مشاهدة النسخة كاملة : ابن شريان ا ل عليان و دخوله على جلالة الملك فيصل بن عبدالعزيز طيب الله ثراه


شارب الفناجيل
19-05-2012, 02:50 AM
بسم الله الرحمن الرحيم

دخل الشيخ ذيب بن فالح بن شريان ال عليان على جلالة الملك المغفورله
بأذن الله / فيصل بن عبدالعزيز ال سعود طيب الله ثراه ,,

و بعدالسلام عليه قال له الملك فيصل وش عندك يا ذيب فقال عندي يا طويل العمر قصيده وابيك تسمعها من الراس ماهوب من القرطاس بعد سماحك وانا عارف انشغالك فقال جلالة الملك فيصل تفضل و علمنا بقصيدتك ...

بخبرك يا فيصل في لعب السريرات __ لعل حكمك و انت ألنا في المرادي
للسكت حـــز ات وللعـــب حــز ات ـــــ ولعب المثايل صبــــة با لر كـــا دي
كبد المغني عليها شب طفــرا ت ــــــ شبت على كبــد المغنــي وقــادي
أعوي عوا ألي عوا في الليل عويات ــــ ماني بمنهو دالـــــه في الرقــادي
تسمعواء في لعبـــة تـــو ما جـــات ـــ لعــــابها يبـــدع زيـــن القــــــــوادي
متهيض في طربة عصــرها فـــــات ـــ في وقت ابن سفران هو وابن هادي
وفي وقت ابن عبود راع المشارات ـــ يا ويل قـــــــوم لحـــقهم بالنفـــــادي
وفي وقت ابن حرضان راع المثارات ــ لجاء الكـــزز بالشــلف هي والهنادي
راع المهـــــار الي تخالـــف بقـــوات ـــ لجاء النذر في الليل وقت الهجــادي
تفرح به القطعـان لقــح وخلفــــات ــــ ولجـــاء نهــــــار فيـــه كــل ينــــادي
وذيب تهيــض في روس المنــيفات ـــ في رأس مرجــــوم وصــدره حشادي
يبـــــدع تماثيل من خاطـــر جــــات ـــ بيـــوت شطــــيره قالـــــها بالعــدادي
البــارحه ونيـت لي عشــر ونـــــات ـــ أونهـــــا في اللـــيل قدم الرقـــــــادي
خذيت عمـري بالغناء وكثر التنهات ــ مابي مرض غير البـــلاء في فـــــــؤادي
قالواء وش قومك قلت ما غير عبرات ـــأبي المطيح وبس هاتــــواء وســـادي
على شقيق ينطح الهجن لجـــــات ـــ سقم الحريــب ألي يحـــد المعــــادي
محمدألــــــي عضـــوده كبـــــيرات ـــ زحـــــل ولد زحــل كـــــبير الثنــــــادي
يافر قلبــــي فـــرة عقـــب فـــرات ــــ فرير طيـــر طــــار عقــــب الزهــــادي
أحد يسعى وأحدينــــادي منــادات ـــ وأحـــد على طيـــره صـــفق بالأيـــادي
حر على ضرب الحـــباري مصـيبات ــــ يكفــخ كفيخه في مطــــــار الحمــادي
بشكي على ألي حط سرج ولمبات ــ فيــصل عمـــود الـــدين راع الشدادي
فيصل عمود الدين راع المــساوات ـــ ألي كتب تســـعين فــــوج الجــهادي
من الشرق للقـبله جعلها نظامـات ــــوصفت جنوده كما وصـــف الجـــــرادي
قم يا نديبي على من الهجن طفزات ــ ما عســفوها غير قدهـــي عيــــادي
كبار الجواعـــر والترايـــب جسيمات ـــ وفـــج العضــــود ألي تبـــوج المعادي
تشدي حمام في الهــواء شقلبيات ـــ متغيـــنم المحـــواز يمشي عمـــادي
وتشدي عذارى طمــح غشمـــريات ــ نصــابــة تلبــــس الثـــياب الجــــدادي
تنــحر ملكنا فيصل ابــا المهــمات ــ لا كــل ســيل جــاب سيــله الــــوادي
سيله حـــقوق ياخذ الناس جاحات ــوسيـــل غيــــره ما يبـــل العــــــتادي
يا فيصل ابن سعود طالبك طلـــبات ـــ يا حاكـــم العربان عطـــني مـــــرادي
أبي قسمي وحقي في الامارات ــ وأبيـــك تعطيني مـــواقــــف أجــــدادي
وأبي ختمي يمشي في الجوازات ــوأجعل على القرطــاس حبر الســوادي
أبـــوك من قبلك أبـــــا العــــطيات ـــــ ويامــا عطى من لــوك مالـها عــدادي
حاكـم جزيرتـــنا و كــل الجـــزيرات ـــــويامـــا حكم من بــــرهــــا والبــــلادي
فيصل ملكنا منزله في الرفاعــــات ـ يشدي لحــــر صــــايك في الهــــدادي
أله الجزيــــره باشــرت بالتحــــيات ـــ وام الجــــزاير عاهـــدت في الــــروادي
من ضرب سيفه روحواء له صداقات ــونادى لاخـــــو نـــوره طـــويل المنـــادي
انتم هل العوجــــا لجــــات غـــارات ـــ لجاء في المشــــقوق خــــيل تـــرادي
وعقبــــها صلاة الرب واقراء التحيات ــ واستغفر المعـــــبود رب العـــــــــبادي

و فيما بعد صدر مخطط بلدي بقروض سكنيه فيه اكثر من 300 قطعة ارض بجميع المرافق البلديه باسم الشيخ ذيب بن فالح بن شريان وعلى ارض اجداده وابوه في وادي الركاء العظيم ميدان الشجعان

الظور
19-05-2012, 02:41 PM
ارحب اخوي شارب الفناجيل

والنعم فيك وفي ذيب بن شريان وصبيان ال عليان كلهم

يا فيصل ابن سعود طالبك طلـــبات ـــ يا حاكـــم العربان عطـــني مـــــرادي


على الرغم اني اردد هذا البيت من غير معرفتي لمن يكون لاكن عش كثير تعرف اكثر

تقبل مروري وتحياتي

شارب الفناجيل
20-05-2012, 01:41 AM
ارحب اخوي شارب الفناجيل

والنعم فيك وفي ذيب بن شريان وصبيان ال عليان كلهم

يا فيصل ابن سعود طالبك طلـــبات ـــ يا حاكـــم العربان عطـــني مـــــرادي


على الرغم اني اردد هذا البيت من غير معرفتي لمن يكون لاكن عش كثير تعرف اكثر

تقبل مروري وتحياتي


سلمههههههههه وما عليك زووووود يا أستاذنا الظور وشرفتنا بردودك التي هي مواضيع بحد ذاتها ,,,

واما البيت العرب يرددونه كثيرا بدون ما يعرفون من قائله فالشيخ ذيب بن فالح بن شريان شاعر وله قصائد عظيمه في شيوخ قحطان وله قصائد في هيات حصلت بين ال عليان والقبائل المجاوره على بعض الابار و الحدود وقريبا سنحاول نطرح بعض قصائده ,,,
مع الشكر الجزيل لك اخوي العزيز الظور ،،،،

ماجد بن شارع العاصمي
20-05-2012, 04:50 AM
لاهنت ياشارب الفناجيل

على القصيدة وماحصل لابن شريان بعد القصيدة

شارب الفناجيل
26-06-2012, 01:47 AM
لاهنت ياشارب الفناجيل

على القصيدة وماحصل لابن شريان بعد القصيدة

ولا تهون يابو شارع ومشكووور على المرور

مانع الملاطي
26-06-2012, 06:27 PM
لاهنت وبيض الله وجهك ولاهي غريبه على ابن شريان ولا على صبيان ال عليان


تحياتي

شارب الفناجيل
27-06-2012, 01:52 AM
لاهنت وبيض الله وجهك ولاهي غريبه على ابن شريان ولا على صبيان ال عليان


تحياتي

و لا تهوووون يا مانع ووجهك ابيض يالقرم

ابن الاصايل
02-08-2012, 06:09 PM
ونعم بال عليان ولك الف شكر

فارس قحطان
02-08-2012, 08:16 PM
ونعم يا آل عليان


ولاهنت ياشارب الفناجيل

.

شارب الفناجيل
04-08-2012, 05:33 AM
ونعم بال عليان ولك الف شكر

ما عليكم زووود وبيض الله وجهك

شارب الفناجيل
04-08-2012, 05:37 AM
ونعم يا آل عليان


ولاهنت ياشارب الفناجيل

.

ما عليكم زوووود ومن قال لا هان يا فارس قحطان

الفارس الشواطي
04-08-2012, 11:53 PM
وافين ياربعنا
الله يرحمهم جميع
وأشهد أنه قصد وخذا حقه
لاتحرمنا من قصايد هذا القرم
وافي ولاهنت ياشارب الفنجال

شارب الفناجيل
08-08-2012, 05:57 AM
وافين ياربعنا
الله يرحمهم جميع
وأشهد أنه قصد وخذا حقه
لاتحرمنا من قصايد هذا القرم
وافي ولاهنت ياشارب الفنجال

ما عليكم زود وبيض الله وجهك وابشر طال عمرك راح نجيب قصيده قالها في قحطان بعد نزاع حدودي مع احدى القبائل المجاوره