الطائر الحزين
27-11-2005, 10:31 PM
هذا قليل من كثير في حق الأم {{ فداها روحي وقلبي }}
[]{}ــ { حب الأم غير }ــ{}[]
ميّته من الجوع نهديها درير = ون يقل الدر قامت حايمه
تقلب الدنيا على لقمة فطير = ساهره والناس تهنى نايمه
تمضغ اللقمه وتكلها الصغير = ناسيه متناسيه إنها صايمه
ولا بكى ما هنيها نوم السرير = ضجّت من النوم مثل الهايمه
دمعها لا مرض تسمع له خرير = وصدرها فيه الخشارف قايمه
لو تغيّب ليلها هم وزفير = ولو سرقها النوم فزّت حالمه
ولو بكى بطراف حارتها غرير = قالت إبني صار عنده شايمه
من تناسى حبها ميّت ضمير = ميّت قلبه ونفسه ظالمه
ومن تناسى حبها جعله كسير = جعل عينه في المواجع عايمه
مهما كان الحب حب الأم غير = حبها بلسم وصحه دايمه
الله يجزيك ياأمي الف خير = وجعل ضيمك لي وتبقي سالمه
الطائر الهايم الحزين
وهذا أخي الحبيب كبرياء الصمت يأبى أن تمر عليه مر الكرام فيرد بهذه الدره
سيّدي جيتك وفي قلبي هدير=واحمل اجواءٍ بقلي غايمه
غيمها جزءي..ركامي..له خرير=ناطقٍ بازهى الحروف الهايمه
في قوافي شاعرٍ جزلٍ غزير=من فحول الشعر..باعلى القايمه
طير هايم..والحزن مثل الغدير=شق في جوفك شعابٍ صايمه
لكن اندى من عسل يغشى حرير=قافك اللي تكتبه وتلايمه
أعجبتني قافيه في الأم..غير=قمت اصحّي كل فكره نايمه
لكن اعذر قل خبرة هالغرير=كبرياءٍ ترتعش قوايمه
سيّدي للأم عندي ما ينير=الفضاء من الغلاة الدايمه
أم..يعني دفء..يعني وش يضير..؟=لو يصير الكون ثلجه عايمه..؟
أم..يعني حب ماله حد اخير=حب أمّي غايةٍ لي رايمه
سيّدي للأم عندي كل خير=عن أذى أمّي لساني شايمه
لله درك يا كبرياء الصمت
[]{}ــ { حب الأم غير }ــ{}[]
ميّته من الجوع نهديها درير = ون يقل الدر قامت حايمه
تقلب الدنيا على لقمة فطير = ساهره والناس تهنى نايمه
تمضغ اللقمه وتكلها الصغير = ناسيه متناسيه إنها صايمه
ولا بكى ما هنيها نوم السرير = ضجّت من النوم مثل الهايمه
دمعها لا مرض تسمع له خرير = وصدرها فيه الخشارف قايمه
لو تغيّب ليلها هم وزفير = ولو سرقها النوم فزّت حالمه
ولو بكى بطراف حارتها غرير = قالت إبني صار عنده شايمه
من تناسى حبها ميّت ضمير = ميّت قلبه ونفسه ظالمه
ومن تناسى حبها جعله كسير = جعل عينه في المواجع عايمه
مهما كان الحب حب الأم غير = حبها بلسم وصحه دايمه
الله يجزيك ياأمي الف خير = وجعل ضيمك لي وتبقي سالمه
الطائر الهايم الحزين
وهذا أخي الحبيب كبرياء الصمت يأبى أن تمر عليه مر الكرام فيرد بهذه الدره
سيّدي جيتك وفي قلبي هدير=واحمل اجواءٍ بقلي غايمه
غيمها جزءي..ركامي..له خرير=ناطقٍ بازهى الحروف الهايمه
في قوافي شاعرٍ جزلٍ غزير=من فحول الشعر..باعلى القايمه
طير هايم..والحزن مثل الغدير=شق في جوفك شعابٍ صايمه
لكن اندى من عسل يغشى حرير=قافك اللي تكتبه وتلايمه
أعجبتني قافيه في الأم..غير=قمت اصحّي كل فكره نايمه
لكن اعذر قل خبرة هالغرير=كبرياءٍ ترتعش قوايمه
سيّدي للأم عندي ما ينير=الفضاء من الغلاة الدايمه
أم..يعني دفء..يعني وش يضير..؟=لو يصير الكون ثلجه عايمه..؟
أم..يعني حب ماله حد اخير=حب أمّي غايةٍ لي رايمه
سيّدي للأم عندي كل خير=عن أذى أمّي لساني شايمه
لله درك يا كبرياء الصمت