يعجبني تفكير بعض الحريم ....

[ماجد الخليفي]

يعجبني تفكير بعض الحريم .....

لكن ساعات مو في محله .....

اسمعو ذي السالفه .....


تقول وحده طاب عليهم حرامي بعد صلاة الفجر .....

المشكله زوجها وعيالها توهم جايين من صلاة الفجر .....

الزوج دخل الغرفة الثانيه اللي بجنب غرفته وجلس على الكمبيوتر .....

والعيال 2 جلسوا يلعبون بلاستيشن .....


دخل الحرامي على الحرمه بالغرفه تقول حسيت به بس احسبه زوجي ....

خذا جوالاتها آيفون وبلاك بيريوجوال زوجها وجهازين آيباد ....

وخذا ثوب الرجال اللي معلقه عشان ياخذ منه البوك والمفاتيح ومشى ....


نزل للسياره فتحها وماعرف يشغلها .... شكلها توه جايبها من قطر

قعد يحوس فيها الحرامي ...

الا الرجال راعي البيت يطل من الشباك بيشوف الجو ...

وشاف الرجال قام يصايح ونادى عياله ونزلوا الا الحرامي منحاش ...

ارتاع الرجال يوم لقى ثوبه في السياره وبوكه منفوض ...



النكته وشي !!

الرجال يسأل الحرمه ماحسيتي به ... ؟

قالت ؛ الا اسمع قرقعته بس احسبه انت ...

وسويت نفسي نايمه عشان ماتقول سوي لي فطووووور

هههههههههه

[أبو محمد ابن الشايب]

هلا بماجد ومرحبآ


متى سأل زوجته تحديدآ بعدما إستفزع بالأولاد أم قبل أو بعد .



ييرق كثير جدآ معنى الكلام من وقت لوقت .



أقرب شئ يسويه .. مع الشباك في حلق الحرامي على طول .

[آل معمر]

حلوه هههههههه


النسوان عندنا أفكارهم عجيبة

ابو عصام انا يوم قريت حرامي وغرفة نوم فكرت انك بتجيب العيد

لكن الحمد لله جات سلامات

[ماجد الخليفي]

حلوه هههههههه

ابو عصام انا يوم قريت حرامي وغرفة نوم فكرت انك بتجيب العيد

لكن الحمد لله جات سلامات


تفكيرك :011203bed

الناس تفكر في الكيمياء والفيزياء والرياضيات ..... وانت تفكر في القواعد

[الظور]

الحمد لله يابو عصام عندي كلب كافيني في الحراميه بس اني حاطه عند الغنم بطرف المزرعه

جيته يوم بعد الفجر حصلت عنده جوزين حذي وانتوا بالكرامه اثنين شباب بغوا يسرقون عدى عليهم فحطوا رجولهم

المشكله انه طاردهم حتى عند سيارتهم وحال بينهم وبينها وحصلت اثرهم كلما قربوا من السياره عدى عليهم وليلهم ليل طلعوا في شجره بس مدري كيف تمكنوا من ركوبهم السياره

[ابن دغيّم]

ههههههههههههههههههههههههههه

ودك انه عقب ما سمع حجتها أنه جاب خروف

ثم عزم زملائه ويقول اطبيخه في البيت يابنت اللذين

[غربان]

المفروض يجازيها بالفطور شهرين متتابعين