كذا من الله نهتوي للصعيبات !!

[محمد بن معدي]

السلام عليكم و رحمة الله و بركاته

اسعد الله جميع أوقاتكم
اعتذر عن التقصير و الخارج عن الإرادة


صلوا على النبي يالغلاه



انعيـش فالدنـيـا بــروس الطـويـلات=و انــذلّ قـــومٍ يـدفــع الـغــلّ دمْـهــا
و اتطيح في يوم الوغا بضع رايات=و تــرفّ رايــة فـــارسٍ محتكـمـهـا
لا شــك فالدنـيـا حسـانـي و سـيّـات=و العاقـل اللـي يتـعـض مــن نقمـهـا
انحـب ميـلات الدهـر كـل الاوقــات=تظهر لنا الصاحب و تظهر رخمهـا
كــذا مــن الله نـهـتـوي للصعـيـبـات=والغـانـمـه فــــي سـلـمـنـا نغتـنـمـهـا
قـــومٍ نواجـهـهـا بـحــد الـرهـيـفـات=و قــومٍ نشبّعـهـا و نكـبـر القمـهـا !!
وقــومٍ نقـدرهـا بـروحـه و جـيّــات=وقـومٍ نهمّلـهـا , و قــوم نحشمـهـا
نرسي كما ترسـي الجبـال المنيفـات=نوسـم علـى خـد النجيبـه و سمهـا
واللي جهل فحوى القصيده والابيات=يصبر و نفصل لحمهـا مـن عظمهـا
فيا راكـب اللـي صنّعـوه الخواجـات=الـلــي كنايـسـهـا تـحــاذي صنـمـهـا
هــافٍ جـديـدٍ مــا وقــف للفـلاشـات=لـو كـان ساهـر مسـرفٍ فـي قيمهـا
تلـه ياخـو الاملـح زبــون المهـمـات=عـلـى دروبٍ غـيـركـم مـــا فهـمـهـا
طـرقـة رجــالٍ تـرتـكـي للثـقـيـلات=لا زاد حـمـل الـلـي كـبــارٍ هِمـمـهـا
نـصــه لـعــودٍ مـنـبــعٍ لـلـجـزيـلات=الـلـي لعـسـرات الامــور ايحسمـهـا
فــي مجلـسـه تلـقـى دلالٍ مـراكــات=و الحـيـل لضيـوفـه يـــزّبر شحـمـهـا
فلـة حجـاج و عـودٍ ازرق و هبـات=ريح و ضـواري لابـةٍ مـا اعدمهـا
ابــوي يــا شــوق البـنـيّ العفـيـفـات=منصى الرجال اللـي تنومـس قيمهـا
عـطْـه الكـتـاب و بلـغـه بالتـحـيـات=فـنـد له علـومـي و وضــح رسـمـهـا
قـل لـه تـرى كـل القضيـه سلامـات=يفرح على غيض الخصوم وسدمهـا





ودعتكم الله