المساعد الشخصي الرقمي

مشاهدة النسخة كاملة : تطالع على العليا وهو وش يطالع به


علي بن مسفرالحبابي
21-04-2012, 02:46 AM
كفى يا صحيبي واكتفينا من الاصحاب = انا قانعٍ واللي تهيالك اقنع به

والى من بليت بصاحبٍ جابته الاسباب = تركد ولا تحكم عليه وتسرع به

ترى البيت لو يبنى بليا عمد واطناب = ليا مرته صلف المعاصير تشلع به

لا طال المدى يبين لك طيب الانساب = هقاويه عند الضيق لو ضاق تطلع به

وردي المذاهب كنه اللي على المغراب = تلولش على من قربها لين تطبع به

لو غرك بحلو حكاه عن ملته ما تاب = من يضحك بوجهه بعد بكره تلكع به

لئيمٍ ذميمٍ يهمز ويلمز ويغتاب = خبيثٍ يدنس كل مجلس تربع به

لو تطيب له في كل يومٍ معك ما طاب = تطالع على العليا وهو وش يطالع به!

للشاعر خليل بن هدلان

الفارس الشواطي
21-04-2012, 12:40 PM
لا طال المدى يبين لك طيـب الانسـاب
هقاويه عند الضيق لو ضاق تطلع بـه
وردي المذاهب كنه اللي على المغراب
تلولـش علـى مـن قربهـا ليـن تطبـع بـه

صح لسانك وعلا شانك