المساعد الشخصي الرقمي

مشاهدة النسخة كاملة : مرثية في ثامر بن هادي ال جمان


ناصر آل جمان
17-04-2012, 10:41 AM
مرثية في ثامر بن هادي ال جمان

رحمه الله رحمة ً واسعة




امنت بالله والمقادير فاللوح=واجب نسلم لامر ربي ودينه
دنيا الفنا لوهي عمارات وصروح=ماحدن تهنا بالسكن والسكينه
هاض الفكر باحساسنا ينثر البوح=ترجم حروفي والمشاعر حزينه
انفاسنا باهاتنا تردف النوح=من زود جمر الصدر بيح كنينه
من العام قلبي ياهل الطيب مجروح=من فارق الاحباب واشيب عينه
واليوم هذا علم الاحزان مشروح=في شاشة الجوال جات الغبينه
فرقا رفيق الطيب والانس ومزوح=والخاطر الطيب وعينا ذهينه
ثامر عسى ذنبه من الرب مدموح=ويثبته فالقبر يشهد يقينه
والله يجنبنا لواء صاحب قروح=لوكان حرفي والمشاعر حزينه

مبارك بن حاضر
19-04-2012, 02:44 PM
الله المستعان

صح لسانك يابو حسين

و الله يرحم ثامر رحمة ً واسعة

والله انه فقيده الله يرحمه

فقدنا الرفيق الصادق و الوجه السمح و الخاطر الزين

الله المستعان

الله يرحمه الله يرحمه

و يوسع عليه قبره و يسكنه جنات النعيم


لاهنت يابو حسين