مرثية مسفر ال زهره{{{{{{مسفر الفزعات}}}}}}

[فارس السنحاني]

هذي بيتين كتبتها فالمرحوم مسفر الفزعات الله يرحمه ويتغمده بواسع رحمته والفقيد كان


معروف بفزعاته والدليل ان موته من فزعة فزعها لرجال متعطل على جال الخط



مرحوم يامسفر الوقفات والفزعات=من بعدك ودنياي والله اني عايفها

لكن ماقول الا الله يجعلك في فسيح الجنات=دعوة من جوف صدري قايلها

وسلامتكم

فارس بن عبدالله ال نازح السنحاني

[فلاح آل راكان]

الله يرحمه ويغفر له ويجعله من ضيفان الجنه ..

والله يجبر عزاك في مسفر ..

[@ابوريان@]

الله يرحمه

[مشاري بن نملان الحبابي]

رحمه الله وغفر له وجعل الجنة مثواه

إنا لله وإنا إليه راجعون

[علي سعد الحبابي]

الله يرحمه ويجعل مثواه الجنة..
ابو حامد فقد على الجميع.. اسال الله يغفر له ويرحمه..


يا نهار جاد فيني بالتياعه=هلت آلامه وطاحت ذكرياته
هد حيلي وقفته والاستطاعة=مير بانت لي على الدنيا صفاته
راح مسفر.. آه يا حال الجماعة=راح مسفر.. ما تهاوت امنياته
دون ربعه ما جحد دم الجماعة=والمواقف شاهدة بالخير جاته
عل قبر يسكنه في كل ساعة=في جنان اللي على الحسنى اماته


الله يصبر اهله واخوانه واشهد انه فقد على الجميع..

[ابن عباد]

الله يرحمه رحمة واسعة

[مشخل الدله]

يالله يا مطلوب يا عالي الشان=ياللي قضى أمره بين كافه ونونه
ارحم ضعيفٍ ينتظر منك غفران=وسّع عليه القبر وأفسح ركونه
مسفر ولد حامد رفيقي كحيلان=يا جعل قبرك يرتوي من مزونه