((((((مرثه في الشيخ مانع بن مذكر ال سلمان)))))؛؛

[خيال الكحيله]

يالله انك الملتهم ويالله انك المستعان::::::يامعين اللي جرحه الزمن جرح عميق

والله اني مؤمن بالقدر والكون كان::::::وان يدي ملتزمه في عرى الحبل الوثيق

ياوجودي كل ماجيت من ذاك المكان:::::والتفت وشفت بيته على جال الطريق

ليه تجعل لي عذاب على طول الزمان::::::ليه تبني البيت وتغيب ياعز الرفيق

مايعوضني خلافك عيال ولا خوان::::::ان بغيت العلم والصدق والقول الحقيق

غيبتك ماهي بغيبه فلان ولافلان:::::::::غيبه تقصم ظهور الرفاقه والصديق

من بكاء فرقاك مايلحقه لوم وهوان::::::جعل عين مابكت من فراقك في حريق

الله ياكبر المصيبه علي والوقت شان:::::واتساع الكون من الكون في عيني يضيق

يافقيد المرجله والمكارم والحنان::::::::::::::اب من قد مات بوه واخ من ماله شقيق

يامراد الضيف ياذابح الحيل السمان:::::::لو تضايق مجلسك خاطرك مايستضيق

يامنار الطيب ياعالياً في كل شان:::::::::::بالوفاء والطيب متعدياً قمه طويق

الله ياسود الليالي ويابيض الكفان::::::::::كم وسمتي قلبي اللي على ربعي رقيق

كل ماجاء الكون بيطيب من وقع السنان::::::اعتزيتي وانثنيتي بمصقول فتيق

ياعسى من راح منهم سكن خضر الجنان:::::في قصور وفي ضلال ومشروبه رحيق

يالله تجبرني عاى الصبر وانت المستعان:::::::يامعين اللي لربعه حمل مالا يطيق

ويالله ان تحسن عزا من بكاه من قحطان::::::ويالله ترحم بو جريب رعى الوجه الطليق



:::::::::::::::انا لله وانا اليه راجعون::::::::::::::::::::::::