الحظ

[ابن مشريه السريعي]

الا يالله عـفــوك لا مـعــي بـيـجـر ولا جــــوال
ولا عـنـدي وظيـفـة والـتـجـارة فـاشــل فـيـهـا
ولا عنـدي شـهـادات(ن)ولا حـرفـة تسدالـحـال
ولا حــظ(ن) كبـيـرلا اخـطـت الـجــرة يقـديـهـا
مخابي الثوب تومي مـا دخلهـا مـن زمـان ريـال
بـهـا فـاتـورة الـكـهـرب ولا يـمــدي نقضـيـهـا
على ذيـك العـراوي تتعـب الحـادي مـع الجمـال
ثـلاث شهـور فـي الورشـة وشهريـنٍ مغطيـهـا
ابيهـا لـو تجـمـل يــوم واجلبـهـا عـلـى الــدلال
يجيـهـا واحــدن حـظـه مـثـل حـظـي ويشريـهـا
نصيـت العسكـريـة يــوم قـالـوا للنـظـام رجــال
وقدمت الملف وصورت(ن) متشخص(ن) فيهـا
وخـذا لاوراق منـي واحـد مـا عـنـد ابــوه دلال
سلوم النـاس واهـل المعرفـة والطيـب مخطيهـا
قراها في دقيقـة والتفـت عجـل(ن) علـي وقـال
شهادتـك العظيمـة يـاولـد ويــن انــت مخفيـهـا

[الظور]

الا يالله عـفــوك لا مـعــي بـيـجـر ولا جــــوال
ولا عـنـدي وظيـفـة والـتـجـارة فـاشــل فـيـهـا
ولا عنـدي شـهـادات(ن)ولا حـرفـة تسدالـحـال
ولا حــظ(ن) كبـيـرلا اخـطـت الـجــرة يقـديـهـا
مخابي الثوب تومي مـا دخلهـا مـن زمـان ريـال
بـهـا فـاتـورة الـكـهـرب ولا يـمــدي نقضـيـهـا
على ذيـك العـراوي تتعـب الحـادي مـع الجمـال
ثـلاث شهـور فـي الورشـة وشهريـنٍ مغطيـهـا
ابيهـا لـو تجـمـل يــوم واجلبـهـا عـلـى الــدلال
يجيـهـا واحــدن حـظـه مـثـل حـظـي ويشريـهـا
نصيـت العسكـريـة يــوم قـالـوا للنـظـام رجــال
وقدمت الملف وصورت(ن) متشخص(ن) فيهـا
وخـذا لاوراق منـي واحـد مـا عـنـد ابــوه دلال
سلوم النـاس واهـل المعرفـة والطيـب مخطيهـا
قراها في دقيقـة والتفـت عجـل(ن) علـي وقـال
شهادتـك العظيمـة يـاولـد ويــن انــت مخفيـهـا


ارحب يبن مشريه ارحب

ابيض وجه على النقل الجميل طبعا هذي قصيده سعيد ابن مقبل الهزرَي

وهذه تكملتها وقصيده ثانيه عقب ماسار معه جوال

هذه التكمله




هزّيت الراس ماعندي تقول اني مـن البنقـال=وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـال=وقال ازيـن تعـوّد صـوب نوقاتـك تعشّيهـا
تناوشته من الكرسي وعفت الحـل والترحـال=وضربته بالبياله عقـب مـا بيّحـت شاهيهـا
خذوني للسجن لا نيـب لا ظالـم ولا محتـال=مجـرّد واحـدٍ جـا يكحـل عيونـه فيعميهـا
ويوم اني خرجت اقفيت في ارض الله وساع الجال=علـى بـرٍ هـواه يـداوي العلّـه ويبريهـا
ادوّر قصعة الجربوع والضـب الفتـي يختـال=والارنب يا شفاة الروح ما احلاهـا وطاريهـا
بـلا كهـرب ولابيجـر ولاغـازٍ ولانـقّـال=قوانين الحضـاره ماتبـي شوفـي ولا ابيهـا



القصيده الثانيه صار عنده جوال وزانت امورهواحلامه ورديه




الا يالله طلبتك وانـت ماتخفـى عليـك الحـال=ولاتجهلـك غـرات المخالـيـق وخوافيـهـا
رضاك ورحمتك لاقرّت النظـره وضـاق البـال=وعفوك يـوم تحييهـا علـى الدنيـا وتفنيهـا
(عقب ماقلت في سابق زمانـي مامعـي جـوال=ولاعنـدي وظيفـه والتجـاره فاشـلٍ فيـهـا)
(ولاعنـدي شهـاداتٍ ولاحرفـه تسـد الحـال=ولا حـظٍ كبيـرٍ لا اخطـت الجـره يقديـهـا)
كتبت من الكـلام اللـي لذربيـن الكـلام يقـال=وزيّنـت القصيـده يـوم شاقتنـي معانيـهـا
وحمدت الله سبحانه على مايسّـر مـن المـال=وعلى حـظٍ تقـادى للطريـق وكـان مخطيهـا
وعينت الوظيفه عسكري يمشي يميـن شمـال=وظيفـه طيبـه والطيبـه مانـيـب شانيـهـا
وشريت الهاتف اللي قيمته زادت على الف ريال=سمـي المملكـه والمملكـه يازيـن اساميـهـا
وسجلت الرجـال اللـي معَرْفتهـم ذرا وظـلال=علـى بيـض النوايـا والقلـوب الله معافيهـا
وخليت الردي لان الردي مالـه معـي مدخـال=انا لي سكـةٍ فالطيـب بيـن النـاس ماشيهـا
وشريت الموتر اللي يكتبون اسمه على التمثـال=ليا شاف الطعـوس يـدوس عاليهـا وواطيهـا
واخذت البيت واهل البيت واصبح لي مره وعيال=عقب ماكنـت فالشقـه عزوبـي رايـحٍ فيهـا
وقمت امشي واسولف واتقهوى مع رجال اعمال=على سوق العقار وسالفـة الاسهـم وطاريهـا
وتركت الضب يرعـى ويتفيّـا حـزة المقيـال=عقب ماكنـت بالشكمـان محرجهـا وموذيهـا
زمانٍ راح واقفى وانتهى مافـي الكـلام جـدال=وعيّنـا الليالـي فيـه حامضـهـا وحاليـهـا
وعشنا لين شفنـا بوشنـب متقلـد السلسـال=تقـول بنيـةٍ فالسـوق تبغـي مـن يلاغيهـا
وعشنا لين شفنا الشايب اللـي يتبـع الجهّـال=وضاعـت هيبتـه بيـن البزاريـن ودواديهـا
وعشنا لين شفنا الجاهل اللـي مامعـه مثقـال=ولامنـه اذن الـمـذّن صـلاتـه مايصليـهـا
وسبحان الذي بامره يجي بين الرِجـال رجـال=وسبحـان الـذي بامـره يقديهـا ويهديـهـا



وسلامتك والجميع