" ما الله يوفقك "

[عبدالعزيز الشاطري]

اشوف حبي في عيونك تملكّ=وانا لغيرك صرت بالحب مملوك
اصبر على حكم القدر وانت لاشكّ=غالي ولك قدر ومعزّه وانا اخوك
درب المحبة من مشى به تشربكّ=لا بدّ ما ياطى على دربه الشوك
الحب بلوى والمخاليق تصتكّ=اللي دخل ، واللي له الباب مصكوك
ما يدخل الا من ضمن حبه بصكّ=حكرٍ على قلبين في صرح مسبوك
لو المصايب دكّت حصونها دكّ=تزداد حب ولا يجي بينها شكوك
خذها نصيحه من مجرب ومحتكّ=جنون عشقه بين دارك ومدروك
لاخفيت حبك في حياتك يعذبكّ=وْلاظْهرت حبك للمخاليق لاموك
والحب لو يجهلك خلّك يعلقكّ=عذّب قلوب وبينها الحب مشروك
والقلب يبعد لاكْذبت فيه بندقكّ=ماهو علامه للتجاريب متروك
واللي عليّه بعد ما الله يوفقكّ=لواحد يحبك لك اقول مبروك

[عبدالله السحيمي]

ارررحب يالشاطري

صح الله لسانك وعلا شانك

خذهـا نصيـحـه مــن مـجـرب ومحـتـكّ
جـنـون عشـقـه بـيـن دارك ومـــدروك
لاخفـيـت حـبــك فـــي حـيـاتـك يـعـذبـكّ
وْلاظْـهــرت حـبــك للمخـالـيـق لامــــوك


الله الله

سجلني احد المتابعين

[فلاح آل راكان]

صح الله السانك يا المطيري مدد بلا عدد ..

جزآله غير مستغربه ..

تقبل مروري يا الغالي ..

[سليمان بن سعيد بن مسرع]

ابــــــــــــــــــــــــــــــــــداع يالشاطري ,, وصح لسانك ,, وعلى الاخرى عانك ,, ونرقب جديدك ,, لك كل ود واحترام ..