بياعـة الرفقـه

[عبدالله ابن شايع الزهيري]

هقواتنا ماهي على الفزعات بتراب الفلوس = من ربع جت بفلوس وربوع بخلت بفلوسها
في ساعةٍ بانو هل العقبات وضعاف النفوس =مواقف ماجمّلت باشنابها ونفوسها
اللي تعذر وانكسر واللي يدوس العلم دوس = واللي يبيع ويشتري في نيته ويدوسها
واللي كذب واللي شرد واللي من الضيقه يحوس = لو ودّه إنّا لقمة بين السنون يحوسها
واللي مع النسوان ويحب القهاوي والجلوس = ويقول مالي في مقام أهل الوفا وجلوسها
واللي إمعه لاله مقال ولاّ مقام ولاّ يروس = إلا جليس أم العيال إن صار كفو يروسها
لاشك يبقى للمقام الصعب والوقفات روس =قومٍ على الخوه وفت بفلوسها وبروسها
ماهي غريبه ياهل العادات والدنيا دروس =تكشف معادين الرجال ونستفيد دروسها
وإن عوّدت للحق والله ماحسبنا للحسوس =ولاحسبنا عنجهة بعض العرب وحسوسها
ولاعلينا قل مال ولو بغينا حدّ موس =إلا من اللي تتقي روس الرخوم بموسها
سيف الحكومه يفرح الشمات فينا والنجوس = والمال يرخص لجل ندفع شرها ونجوسها
واللي تشيطن وتشيطر وتبسم بالضروس = ماغرنّا في سود باطنها بياض ضروسها
إيهب يابياعة الرفقه مربية التيوس = ياللي تيّس في نهار تالضيق مثل تيوسها

[فلاح آل راكان]

الله الله ..

اررررحب يا عبدالله تراحيب المطر ..

وصح الله السانك مدد بلا عدد جزل نفدآك ..

تقبل مروري يا القرم واعجابي..

[فهد بن محمد الزهيري]

صح لسانك يا بو شايع

[مبارك بن حاضر]

قصيدة جميلة

صح لسانك يابو شايع

و على الثانيه عانك


تقبل تحياتي