معروفك ابمن لا يصونه ويزهاه

[سعيد آل فارع]

همي ليا فارق محله وخلاه
خذاله ايام"وعود محله

ماهو لحاله ..معه غيره..ومسواه
جروح"اتزود على الطين بله

حطت علي امن العنا والمعاناه
مايفرح اصحاب القلوب المغله

اداري اظروف الليالي مداراه
ولااحد"نشدني قلت خلها على الله

ماودي ابكشف الامور المغطاه
لجل خصوصياتي المستقله

الين يقصاني الشعر واتقصاه
كن العنا في خاطري فرصة" له

وانا ليا صغت البيوت المقفاه
اطرق لحنها من شعور وجبله

العاقل اللي يحفظ ادروس دنياه
ولا مره الدرس الجديد استغله

يهوم للعليا ولا يقصر اخطاه
واذا جهل دور دليل"يدله

يخاوي اللي يستحق المخاواه
ماهو يعاين كثر ماله وقله

والجاهل اللي مايحايد عن ارياه
ويشوفها فوق النجوم المطله

ماكنه الا مثل من داه فرداه
عليل"ومايدري ان فيه عله

ومن قال معروفك مع الوقت تلقاه
لعله ايراجع كلامه لعله

على حسب ماقد سمعنا وشفناه
كم واحد"مالقيه العمر كله

فمعروفك ابمن لا يصونه ويزهاه
والله ماتلحق منه فنجال دله

[أبو معتز]

صح لسانك ملايييين مبدع كعادتك . تحياتي وتقديري

[ناصر آل جمان]

صح لسانك ولا عثر حصانك
جميل ما تقدمه لنا من ابداعك

[ابراهيم آل بي حبيب الرفيدي]

صح الله لسانك يابن فارع


مبدع كالعاده





تحياتي

[مبارك بن حاضر]

الله الله

قصيده رائعه جداً

نالت اعجابي الشديد

صح الله لسانك يامبدع

[محمد بن مسفر بن جليد]

صح لسانك ملايييين مبدع كعادتك . تحياتي وتقديري

[محمدال سليمان]

* الاخ الاستاذ * سعيد
بيض الله وجهك وصح السانك...

مبدع..وتطرق على الاحاسيس..تقبل تحياتي..

[سليمان بن سعيد بن مسرع]

قصيدة الابداع والجزاله والكلام الثمر وصح الله لسانك وعلى الاخرى عانك يابن فارع ,, تقبل خالص تحياتي وتقديري .

[سيل ليل]

جميله
ورؤية عاقل متبصّر
الى الاماااام
لكن !
تقوول هنا:
ماكنه الا مثل من داه فرداه
عليل"ومايدري ان فيه عله

البيت هنا مختل
يعني بالشطر الثاني كسر البيت
والمفروض تكون
عليل وما يدري انّه فيه علّه


تقبل مروري