قصيدة راقت لي

[المـوج]

ياللي خذاك الوقت مني على طول
ياكثر ماتملك غلا في ضميري


في خافقي ماغيرك يصول ويجول
ولا تعلق في وجوده مصيري


اشتاق لك .. واحن دايم ولاقول
سري قديم .. وحافظه وسط بيري


خليتني طايح من البعد مشلول
عجزت اكمل في حياتي مسيري


كان الوصل بابه مسكر ومقفول
الله يجازيني عوض عن عشيري


عودتني .. انام ضايق ومعلول
ماتختلف بي شهقتي عن زفيري


لو كان لـ آلام المحبه بندول
ماجفت عروق المياه بغديري


ارسلت لك يمكن ثلاثين مرسول
من طيب قلب وكثر الله خيري


تدري وش اللي بسآلك فيه واقول
عن حاجة(ن) قامت تدور بضميري


هو انت عني .. مع منو صرت مشغول
مع الاهل .. والا مع انسان غيري ؟؟





أن شاءالله ان تحوز على رضاكم
منقوله

[ابراهيم آل بي حبيب الرفيدي]

سلمت صح لسان القايل والناقل



لاهنت على المشاركه وياليت اذا تعرف القايل تعلمنا.
تحياتي

[مبارك بن حاضر]

الله الله

قصيدة رائعة صح لسان شاعرها

لاهنت يالموج على الانتقاء الرائع