المساعد الشخصي الرقمي

مشاهدة النسخة كاملة : ردية.. مصافحة اولى..


علي سعد الحبابي
13-03-2012, 01:33 AM
السلام عليكم ورحمة الله وبركاته

مصافحة اولى واتمنى ترتقي لذائقتكم..

الشاعر الكبير "منصور الرويلي (قاف عنزة)" كتب هـ الابيات في قحطان..
قريت الابيات واعجبتني..


وقفةٍ في مثل هالماقف تهيا=كلها للشعر تقدير وذرابه
القصيد اللي مثل طلق المحيا=يستوي لاهل الوفا وأهل المهابه
الرجال اللي بها صـدق الحميا=لابةٍ في صيتها ياحي لابه
العرب (قحطان) مافيها غبيا=ذكرهم موجود من عصر الصحابه
بالطرد ليا أمتطوا سرج العبيا=سباع نجد مطوعة سحم الذيابه
بالشجاعه شذرة السيف المضـيا=وبالكرم مدة أياديهم سحابه
المواقف طيب والشاهد هنيا=القصيد اللي على طيب ورحابه


هيضتني ابياته ورديت عليه ..
اقول:


طاب مردود البرا يا قاف هيا=دام ميقافك على العليا تشابه
حي من ذا علمه الغالي وحيا=من نهج للطيب لان الطيب جابه
جاك هملول المشاعر ما تفيا=لك عَليّ درايته وانت احتسابه
يا الرويلي لو طلبت الشعر عيا=لانك اساس الشعر توفي نصابه
من رجال صيتهم فوق الثريا=النجوم تغار منهم بالمهابة
بالمكارم شمس والهقوات ضيا=واعذاب اللي بيجهل واعذابه
المواقف شاهدة وانت الوفيا=بالقصيد اللي ينومسنا كتابه



وسلامتكم..

ماجد بن شارع العاصمي
13-03-2012, 01:56 AM
صح لسانك ولسانه

ولا تهيضت ياسعد الا من طيب راسك

سعيد ال مهدي
13-03-2012, 09:25 AM
صح لسااااان الرويلي

ولساااااااااانك يابو سعد كفيت ووفيت

لاهنت يالقرم

علي سعد الحبابي
14-03-2012, 09:30 AM
اقتباس:
المشاركة الأصلية كتبت بواسطة ماجد بن شارع العاصمي http://www.qahtaan.com/vb/images/buttons/viewpost.gif (http://www.qahtaan.com/vb/showthread.php?p=772839#post772839)
صح لسانك ولسانه

ولا تهيضت ياسعد الا من طيب راسك



مرورك شرف لي يا ماجد..
صح الله بدنكـ والله لا يهينـك على كل حال..
منور في الوجود لا عدمتكـ..

مبارك بن حاضر
18-03-2012, 01:30 AM
ارحب يا علي

صح الله لسان الرويلي على قصيدته الرائعة

و نعم به و بربعه


و صح الله لسانك يا علي و جمل الله حالك

على الرد الرائع


بيض الله وجهك

علي سعد الحبابي
19-03-2012, 02:43 PM
اقتباس:
المشاركة الأصلية كتبت بواسطة سعيد ال مهدي http://www.qahtaan.com/vb/images/buttons/viewpost.gif (http://www.qahtaan.com/vb/showthread.php?p=772857#post772857)
صح لسااااان الرويلي

ولساااااااااانك يابو سعد كفيت ووفيت

لاهنت يالقرم



هلا وغلا فيك يا سعيد..

صح الله بدنك.. منور في الوجود

محمد بن مسفر بن جليد
20-03-2012, 01:41 PM
ارحب يا علي

صح الله لسان الرويلي على قصيدته الرائعة

و نعم به و بربعه


و صح الله لسانك يا علي و جمل الله حالك

على الرد الرائع


بيض الله وجهك