من بعيد اشوف ضوهـ له سنا..

[علي سعد الحبابي]

السلام عليكم ورحمة الله وبركاتهـ...

اسعد الله مساكم ..
مجالسكم معروفة ومدهال للجميع يا ربعي.. وهذا ما يدل الا على طيبكم ووفاكم...
اخوكم الصغير.. جاكم وخدامكم.. ويتشرف في الوجود بين الوافين شرواكم..


ان شاء الله ما تشوفون مني الا كل خير.. وجعلكم على القوة..

[فلاح آل راكان]

وعليكم السلام ورحمة الله وبركاته ..

وارررررررررحب يابو سعد تراحيب المطر ..

والله يحييك بين ربعك وبني عمك ..

نور المنتدى وفي انتظار مشاركتك نفدا ك ...

اخوك


فلاح آل راكان

[مبارك بن حاضر]

ارررحب ارررحب

حياك الله في محلك

بين اخوانك و بني عمك

و نتطلع لرؤية مشاركاتك

و يا مرحبا و مسهلا

[فارس قحطان]

حياك الله في محلك

بين اخوانك و بني عمك

و نتطلع لرؤية مشاركاتك

و يا مرحبا و مسهلا

[ملاح]

يا مرحبا و مسهلا

[علي سعد الحبابي]

مرحب باقي على الطيب ما هان=في مجلس كل النشاما تدله
ربعي على الطالات يا طير حوران=مثل القنوف النادرات المهلة
اسم الفخر قحطان لا قيل قحطان=تاج الفخر والجود والعز كله
الاولة من عندكم يا ال راكان=والثانية تضفي مبارك بحلة
والثالثة فارس على كل ميدان=والرابعة ملاح صافي الجبلة
روايع القيفان تهدى لـ قيفان=روس(ن) تعلت في سماها مطلة
مركازها فكر(ن) عراويه بركان=من كل معنى ينفجر في محله
اما نجمل بالشعر وين ماكان=ولا بلاش نجيب مذهب وملة

[علي بن حيان]

يا مرحبا ترحيبة البدو بالبرق
اللي لهم عامين ما رحبو به

ارحب والله ان ترحب ياابو سعد

والله يحيك في محلك يالذيب
شاعر ومعروف ياابو سعد

في انتظار ابداعتك

[علي سعد الحبابي]

تبقى وتسلم عد ما كاين كان=يا عون من لاعت عليه الدنية
انا اشهد لك يابن الاجواد فقدان=يا الصاحب اللي ما تناسى خويه
اي بالله انك مزبني لا غدا شان=واي بالله انك محزمي والسرية
قصر مشيد والوفا فيه سيسان=الا.. منار الطيب والشاذلية
لا بالله الا طيبكم يا ابن حيان=في هـ الزمن مثل النجوم المضيّة
سماء سماء طالة وعزة ومزبان=تاج على روس الزمان العلية
لا البدر ياصلّك ولا شمس الأوطان=حتى الثريا في مقامك شوية