المساعد الشخصي الرقمي

مشاهدة النسخة كاملة : قصيدة وشيلة للشاعر جازع آل سفران ( يآل كدم أنتوا أهل المستحيله )


أبو عساف
03-03-2012, 06:38 PM
http://www.qahtaan.com/works/up/get.php?hash=23469afhwz1330788058 (http://www.qahtaan.com/works/up)

قصيدة وشلة للشاعر جازع آل سفران

( يآل كدم أنتوا أهل المستحيله )





هاضني موقف(ن) وأبكا الخلايق=يوم شفت ابن خاطر عزتيله

موته أوشك ولا دونه عوايق=مابقا إلا دقايقه القليله

النفس ضاق ودموعي سبايق=لين جسمي عجز ساقي يشيله

في مقر القصاص الكل ضايق=تلي نص البيان بدون حيله

لكن الجمل لأهل الجمل لايق=ابن كدم أعتقه وأخلا سبيله

أعتقه لجل ربي في دقايق=قال وجه الله أبرك من بديله

ياهل الصيت لاجات الحقايق=يآل كدم أنتوا أهل المستحيله

سجلوها بصفحات الوثايق=ان بن كدم فخر(ن) للقبيله

أشهد إنه كسب كل الخلايق=طيب الفعل شيال الثقيله

http://youtu.be/I9wjRSG3Ep0

حمد الظلافيع
03-03-2012, 11:11 PM
بيض الله وجهك يابوعساف انا حريص اسمع المقطع الله يجمل من قالها

ابن دغيّم
03-03-2012, 11:25 PM
كفو يابو عساف وصح اللسان الشاعر جازع ابن سفران

وبيض الله وجيه آل كدم وين ما حلوا أهل العلم الغانم

وتقبل مروري يالذيب

جازع مهدي آل سفران
05-03-2012, 07:47 PM
أشكر الأخ الغالي/أبوعساف
على تنسيقه للموضوع ودايمٍ سباق للجميل والعلم الغانم الأمر الثاني

أنا يالربع ما يخفى عليكم شي حضرت في ساحة القصاص وحقيقه ما قد مر علي بأصعب من هذا الموقف مع العلم أني حضرت كذا قصاص وحوادث كثيره ولكن هذا الموقف ما أنساه ما دمت حي وكانت لحظات قويه جدااااا وكان الحضور يهللون ويبكون بصوت مرتفع ويطلبون والد القتيل بالعفو ولكن الأمل بعد الله سبحانه كبير في الشيخ/سعدابن عايض آل كدم وأبنائه أفرحنا وأفرح الجميع ولانستغرب الأمر من رجل مذكور له بالخير ومن الذين يحافظون على صلاة العشر الأواخر في رمضان مع فضيلة الشيخ/أحمدالحواشي...
والله ثم والله ما فيه أحد يسمع بعفو ابن كدم إلا ويدعي له بالجنه وبالعتق من النار وبصلاح أبنائه ونسأل الله أن يبيض وجه ابن كدم وأبنائه وآل كدم الذين حضروا في ساحة القصاص وكان أكثر الناس الموجودين في ساحة القصاص الذين بكوا وبركوا يبكون ويطلبون أخوهم بالعفو....
نسأل الله العظيم أن يبيض وجوهم جميع وأن يعوضهم في ابنهم الجنه.
وأعذروني على هذه الابيات وآل كدم يستاهلون معلقات

@ابوريان@
06-03-2012, 12:00 AM
كفو يابو عساف وصح اللسان الشاعر جازع ابن سفران

وبيض الله وجيه آل كدم وين ما حلوا أهل العلم الغانم

ابن روزه الجحلي
16-03-2012, 02:10 PM
صح الله لسااااااااانك يابن سفران
وبيض الله وجهك على اللي سويت
وحقيقة ما قصرت في القضيه من بدايتها كان لك دور بعد الله سبحانه والشيخ/سعدعايض آل كدم وأسرة آل كدم من كل خيراً قريب
ولا نستغرب منهم العلم الطيب
والشكر موصول للأخ/
أبوعساف

سليمان بن سعيد بن مسرع
18-03-2012, 08:16 PM
السلام عليكم ورحمة الله وبركاته ,, وبعد : تحياتي وتقديري للشاعر / جازع بن مهدي بن سفران ,, والتحيه موصوله الى ابو عساف ,, والبيض تبنى لـ ال كدم وبيض الله وجيهكم ووجيهم .. وانا من المتابعين لك يا شاعرنا جازع ,, ولكم مني جزيل الشكر والعرفان ,, وتقبلو تحياتي ,, والسلام..