المساعد الشخصي الرقمي

مشاهدة النسخة كاملة : بــس احـبّـك يـآ بـعــد حـيّي ومـيـتـي،،


فهد الهباش
28-02-2012, 09:03 PM
مسآئكم رضى ،
حبيت انزل بين يديكم هذه الأبيات ،
وأعتذر مقدما عن القصور ، الأبيات جائت سريعة ، ومن البذرة الى البذرة ،
لم أعتني كثيرا بها ، فهي هكذا كمآ جآئت ،


وا عـذاب الحـال ياللي مـا دريـتي
تحسبين ان حال قلبي مثل صيتي

كـانها بالصـيـت قـرم وعـارفـينه
بس ضيمه في حشى قـلبـه مبيتي

يظـهـر انْ حـاله مثل حال الدعاية
تنْـشـر الأخـبار ويخـبّى الفـتـيتي

لا تلـومـيـنــه ولا تستـنكـريــينـه
كـان حـبّـيـتيه قـولـي لـه شـريتي

قـولـي احبّك واحـب الحـب لاجـلك
واعشـقـك حـد الجنون المستميتي

لو سـمـع مـنّـك احـبّـك ذا جـوابـه
آه كـم كـنت اعشقـك لو مـا دريتي

ايه انا احـبّك واحـب اهـلك وناسك
والـتـراب اللـي برجلـك له وطيتي

كـان ودي قـولها واخـاف جـرحـك
كنت احسب انّك من عيوني قريتي

ايـه انـا يا بـنـت فـي حـبّـك مـتـيّـم
شارين حـبّـك وعـيـني مـا تـبـيـتي

ساهرن لـيـلـي واغــنّـي وا عــذابـي
وانـتـي بْـلا ذنب مـا كـنْـك افـتريتي

ليه عشـقـي لـك مثـل صفحـة رواية!
ابـتـدى غـيـرك وقـفّـى ما انـتـهـيتي

الهــوى يــا بــنـت للـعـاشــق مـذلـة
والّا أنا ما ارضى المذلّة لـو رضـيـتي

يـكـفـي انـي بـعـت لـعـيـونـك صبايا
عـاد بـاقـي نـبض شعري وسط بيتي

ودي امـلّـك واغـض الـطــرف عـنّـك
واتـنـاسـى عـنـك واقـول انـتـهـيـتي

بـس احـبـك واعـشقـك وشلون مدري
بــس احـبّـك يـآ بـعــد حـيّي ومـيـتـي



فــهــد،

خالد العاصمي
28-02-2012, 09:30 PM
قصيدة رائعة كروعة قائلها

صح لسانك يا بن هباش وتسلم يمينك


أخوك
أبو فهد

شّموِخٌ ٱنٌسًٱنٌ
29-02-2012, 12:55 AM
الله يعطيك العااااااافية

وننتظر جديدك

ودي

مبارك بن حاضر
02-03-2012, 12:43 AM
الله الله الله

صح لسااااااااااانك مليووون يا فهد

اشهد لله اني ارتويت شعر

وا عـذاب الحـال ياللي مـا دريـتي
تحسبين ان حال قلبي مثل صيتي

كـانها بالصـيـت قـرم وعـارفـينه
بس ضيمه في حشى قـلبـه مبيتي

يظـهـر انْ حـاله مثل حال الدعاية
تنْـشـر الأخـبار ويخـبّى الفـتـيتي

مطلع و بداية رائعة

و قصيده مميزه و لها نكهه خاصه

صح لسانك يا مبدددع

و لاتحرمنا من المزيد من روائعك



أخووك
مبارك بن حاضر

عبدالهادي سعيد المسعودي
02-03-2012, 09:43 AM
صح لسانك وبيض الله وجهك

تقبل ودي

ناصر آل جمان
03-03-2012, 09:18 AM
صح لسانك ابو محمد
نص جميل وبوحٍ عذب
تحياتي لهذا الإحساس الجميل
وعلى المحبه نلتقي

سفر بن مبارك
12-03-2012, 06:20 AM
صح الله للسانك يافهد رساله جميله وصادقه

لاهنت ,,

محمد بن مسفر بن جليد
12-03-2012, 03:40 PM
قصيدة رائعة

صح لسانك يا بن هباش وتسلم يمينك